აჭარა ფრინველებზე დაკვირვების საერთაშორისო ფესტივალს უმასპინძლებს

access_time2017-09-12 10:00:00

24-30 სექტემბერს აჭარა ფრინველებზე დაკვირვების საერთაშორისო ფესტივალს უმასპინძლებს. ფესტივალი, რომელიც რეგიონში 2012 წლიდან ტარდება ხელს უწყობს აჭარაში ფრინველებზე დაკვირვების ტურიზმის განვითარებას, ადგილობრივების ეკონომიკურ კეთილდღეობასა და გადამფრენ მტაცებელ ფრინველთა კონსერვაციას.

 

 

აჭარის ტურიზმის დეპარტამენტის თავმჯდომარე სულხან ღლონტი მიიჩნევს, რომ ფრინველებზე დაკვირვება ტურიზმის ერთ-ერთი მიმართულებაა და ამ მიმართულებით სხვადასხვა ფესტივალების ჩატარება კონკრეტული სეგმენტის გარდა სოფლად ტურიზმის განვითარებასაც განაპირობებს.

 

 

„ფრინველებზე დაკვირვების ფესტივალი 2012 წლიდან იმართება, რაც ამ მიმართულებით საკმაოდ მნიშვნელოვანი ღონისძიებაა. აღნიშნული ღონისძიება თავის თავში მოიცავს არამხოლოდ ტურიზმს, ასევე საგანმანათლებლო საქმიანობასაც. მსოფლიოში ბევრი ადგილი არ არის, საიდანაც ფრინველებზე დაკვირვება ხდება და ერთ-ერთი ასეთი ადგილი კი აჭარაში გვაქვს, რაც ჩვენი რეგიონისთვის  ძალიან მნიშვნელოვანია.

 

 

მინდა გითხრათ, რომ ამ მხრივ ვიზიტორების დინამიკა საკმაოდ მზარდია. მაგალითად, მხოლოდ 2016 წელს, მხოლოდ ფრინველებზე დაკვირვების ფესტივალის ფარგლებში, 1500 ღამისთევა გვქონდა და ის მეცნიერები, რომლებიც დაინტერესებულნი არიან ამ მიმართულებით აჭარაში ჩამოდიან.  ჩვენს კი ყველაფერს ვაკეთებთ, რომ მის განვითარებას ხელი შევუწყოთ რეკლამირებით, სხვადასხვა მარკეტინგული არხების გამოყენებით ინფორმაციის გავრცელებას, რომ ჩვენთან ასეთი რამ ხდება.  ფრინველებზე დაკვირვება არ არის მხოლოდ ტურიზმი და წელსაც ამ ფესტივალის ფარგლებში გაიმართება არაერთი სამეცნიერო კონფერენცია,  რომელიც აჭარაში ფრინველებზე დაკვირვებას მიეძღვნება.

 

 

თუ რეგიონში ფრინველებზე დაკვირვების ტურიზმი კიდევ უფრო განვითარდება, ეს კიდევ უფრო წაახალისებს და განავითარებს სოფლად ტურიზმს. ფრინველზე დაკვირვება ხდება აჭარაში განთავსებული პლატფორმებიდან. ეს პლატფორმები კი თავისთავად სოფლებშია შექმნილი და შესაბამისად ღამისთევა ხდება მიმდებარე სოფლებში.


 

 

მოსახლეობისთვის ეს არის კონკრეტული შემოსავალი და აჭარის ტურიზმის დეპარტამენტი აკეთებს ყველაფერს იმისათვის, რომ ტურისტები, ვიზიტორები, მეცნიერები კმაყოფილები იყვნენ და ასევე კმაყოფილნი წავიდნენ და ისევ დაბრუნების სურვილი გაუჩნდეთ. ჩვენ ჩვენის მხრივ მაქსიმალურად ვცდილობთ სასტუმრო სახლების პერსონალის გადამზადებას სემინარებისა და ტრენინგების საშუალებით, რათა ისინი კარგად დახვდნენ ტურისტს“, აცხადებს სულხან ღლონტი.

 

 

უკვე ცნობილია, ფესტივალის ფარგლებში დაგეგმილი გასვლით ლექციებსა და პრეზენტაციებში მონაწილეობას მიიღებენ ქართველი სპეციალისტები, აჭარაში მოქმედი ტურისტული სააგენტოები, სტუდენტები და სკოლის მოსწავლეები.

 

 

ღონისძიება ასევე ითვალისწინებს გასართობ, შემეცნებით ექსკურსიებს ფრინველებზე დაკვირვებისთვის მნიშვნელოვან ტერიტორიებზე, როგორებიცაა კოლხეთის ნაციონალურ პარკი, ჭოროხის დელტა, სოფელი ჩაისუბანი, სოფელი სახალვაშო, ბათუმის ზღვისპირა პარკი და ნავსადგური.

 

 

აღნიშნული ფესტივალისთვის დეპარტამენტმა მოაწყო სათვალთვალო პლატფორმა და თავშესაფრის ინფრასტრუქტურა სოფელ შუამთაში. დეპარტამენტი ასევე ხელს უწყობს იმ საოჯახო სახლების განვითარებას, რომლებიც ფრინველებზე დაკვირვებისთვის მნიშვნელოვან სოფლებში მდებარეობს. ტურიზმის ამ სახეობას კი, რომელიც აჭარაში ფეხს იდგამს პოპულარიზაციას უწევს როგორც შიდა ასევე უცხოურ ბაზრებზე ბროშურებისა და სარეკლამო ვიდეო რგოლების შესაბამის თემატურ ვებ-გვერდებსა და სოციალურ მედიაში გავრცელებით.  

 

 

ფესტივალი რეგიონში აჭარის ტურიზმის დეპარტამენტის მხარდაჭერით 2012 წლიდან იმართება. 

 

 

GHN.GE

 

 

 



ავიაკომპანია „ჯორჯიან ეარვეისი“ 25 მარტიდან 10 ახალი მიმართულებით იფრენს

person access_time2018-02-19 13:52:29
ავიაკომპანია  „ჯორჯიან ეარვეისი“  2018 წლის 25 მარტიდან ახალ რეისებს იწყებს. როგორც ავიაკომპანიაში აცხადებენ, თბილისიდან პირდაპირი რეისები შესრულდება პარიზის, ბარსელონას, ბოლონიას, ბერლინის, კიოლნის, ყაზანის, ათენის, სალონიკის, ბრატისლავას და ხარკოვის მიმართულებებით. ასევე 2018 წელს განახლდება „ჯორჯიან ეარვეისის“  ავიაპარკი და მას შეემატება Embraer 190-ის და Boeing 737-800-ის ტიპის თვითმფრინავები.   ამ ეტაპზე ავიაკომპანია რეისებს...

რა თანხა დაგჭირდებათ საქართველოში 4-სულიანი ოჯახის სარჩენად

person access_time2018-02-19 16:31:48
2018 წლის იანვრის მონაცემების მიხედვით, საშუალო მომხმარებლის საარსებო მინიმუმი საქართველოში - 155 ლარი, ოთხსულიანი ოჯახის საარსებო მინიმუმი კი - 309.9 ლარია.  „ბიზნესპრესნიუსი“ დაინტერესდა, თუ როგორია თვეში ერთი ადამიანის ხარჯი და შემოსავალი საშუალოდ, მინიმუმ რა ოდენობის თანხაა საჭირო ოთხსულიანი ოჯახის სარჩენად და არის თუ არა ამისთვის 309.9 ლარი საკმარისი. ოფიციალური მონაცემებით, საქართველოში საშუალო თვიური ხარჯები ერთ სულ მოსახლეზე ყოველწლიურად...

„ბეკო“ საფეხბურთო კლუბ „ბარსელონასთან“ სასპონსორო შეთანხმებას აგრძელებს და აფართოებს

person access_time2018-02-19 12:11:06
ბარსელონა, 15 თებერვალი, 2018. ევროპაში საყოფაცხოვრებო ტექნიკის წამყვანმა ბრენდმა „ბეკომ“ დღეს გამოაცხადა საფეხბურთო კლუბ „ბარსელონას“ სპონსორობის გაგრძელების შესახებ, რაც მომდევნო სამი სპორტული სეზონის განმავლობაში რამდენიმე საინტერესო ერთობლივ ინიციატივაში გამოიხატება. ახალი შეთანხმება, რომლის შესახებ საფეხბურთო კლუბ „ბარსელონას“ სტადიონ „კამპ ნოუზე“ მდებარე „Auditori 1899“-ში გამართულ პრესკონფერენციაზე გახდა ცნობილი, ანიჭებს „ბეკოს“ მთავარი პარტნიორისა და საფეხბურთო...

მშენებლობაზე პირველივე დარღვევის აღმოჩენის შემთხვევაში, ჯარიმა 30 ათასი ლარი იქნება

person access_time2018-02-19 13:38:26
„მივესალმებით მშენებლობის მაღალ ტემპს, თუმცა, რა თქმა უნდა, ეს არ უნდა ხდებოდეს ადამიანის მსხვერპლისა და სხვა პრობლემების, მათ შორის, ურბანული დამახინჯების ხარჯზე,- ამის შესახებ საქართველოს პარლამენტის თავმჯდომარე ირაკლი კობახიძემ დღეს, თბილისის მერთან, კახა კალაძესთან შეხვედრის შემდეგ განაცხადა.   შეხვედრაზე სამშენებლო სფეროში შრომის უსაფრთხოებისა და ამასთან დაკავშირებით, პროდუქტის უსაფრთხოებისა და თავისუფალი მიმოქცევის კოდექსში შესატანი ცვლილებების შესახებ იმსჯელეს....

„აფბა“: „საგზაო დეპარტამენტი „სინოჰიდროს“ თაობაზე დასკვნას არ ასაჯაროვებს“

person access_time2018-02-19 12:40:07
ჩინურ „სინოჰიდროსთან“  დაკავშირებით, „ახალგაზრდა ფინანსისტთა და ბიზნესმენთა ასოციაცია“  განცხადებას აქვეყნებს, რომელსაც „კომერსანტი“  უცვლელად გთავაზობთ:  „ჩინური „სინოჰიდროს“  დარღვევებზე და გზების უხარისხო მშენებლობაზე საგზაო დეპარტამენტის თავმჯდომარე გიორგი სეთურიძე საზოგადოებას ამა წლის 29 იანვარს შეპირდა, რომ სინოჰიდროს საქმიანობის თაობაზე დასკვნას 1 კვირაში გამოაქვყნებდა. თუმცა, უკვე...


მსგავსი სიახლეები