ქვეყანა ტურისტების გაზრდილი რაოდენობის მისაღებად მოუმზადებელი აღმოჩნდა

access_time2017-09-12 12:30:00

2017 წლის ზაფხულის სეზონი დასასრულს უახლოვდება. წლევანდელი სეზონი საქართველოს მთისა და ზღვის კურორტებისთვის ტურისტების რაოდენობის თვალსაზრისით საკმაოდ დატვირთული აღმოჩნდა. „კომერსანტთან“ საუბრისას „საქართველოს შემომყვან ტუროპერატორთა ასოციაციის“ თავმჯდომარე ია თაბაგარი აცხადებს, რომ  მთის კურორტებზე - გზის, ელექტროენერგიის, გაზიფიკაციის, დასუფთავების და წყლის პრობლემებია მოსაგვარებელი. ხოლო რაც შეეხება ზღვის კურორტებს, ყველაზე მეტი საყვედური ტურისტების მხრიდან საპირფარეშოების ანტისანიტარიასთან, ან მის არარსებობასთან დაკავშირებით ისმოდა.

 

ია თაბაგარს მიაჩნია, რომ ქვეყანაში მაღალი და საშუალო კატეგორიის ტურისტები უნდა შემოვიდნენ, რომელთა მოთხოვნები და გადახდისუნარიანობა მაღალი იქნება. ამით ქვეყანა ეკონომიკური თვალსაზრისით განვითარდება.

  

- 2017 ზაფხულის სეზონი დასასრულს უახლოვდება. „კომერსანტი“ სეზონის განმავლობაში მთისა და ზღვის კურორტების შესახებ მუდმივად წერდა. თქვენ როგორ შეაფასებდით წლევანდელ სეზონს? რა პრობლემების წინაშე იდგნენ ძირითადად ტურისტები?

 

- ტურიზმის წლევანდელ საზაფხულო სეზონს როგორც მთის, ასევე ზღვის კურორტებზე დადებითად შევაფასებდი. სეზონს დადებითად აფასებენ სასტუმროს წარმომადგენლებიც, თუმცა აღსანიშნავია ისიც, რომ ძალიან ბევრი მათგანი დაზარალდა. კონკრეტულად მთის კურორტებზე - გზის, ელექტროენერგიის, გაზიფიკაციის, დასუფთავების და წყლის პრობლემებია მოსაგვარებელი. 

 

თვალსაჩინო მაგალითია თუშეთი, სადაც სეზონი უგზოობის გამო ძალიან გვიან დაიწყო. შესაძლებელი იყო გზის დროულად გახსნა და სეზონიც ბევრად უკეთესი და ხანგრძლივი გამოვიდოდა. თავად სასტუმროს მეპატრონეებიც კი ვერ მიდიოდნენ დანიშნულების ადგილამდე. გზის გაწმენდითი სამუშაოები იმდენად ცუდად მიმდინარეობდა, რომ ბევრ ტურისტს თუშეთში წასვლის შეეშინდა. დღემდე მოუწესრიგებელია სოფლების დამაკავშირებელი შიდა გზები.

 

ზემო და ქვემო ომალოსთვის წყლის მიწოდება მოუგვარებელი პრობლემაა. თავად საოჯახო სასტუმროების მფლობელები ამ პრობლემას ვერ მოაგვარებენ თუ ამას სახელმწიფომ არ მიხედა. ასევე მოუგვარებელია საზოგადოებრივ საპირფარეშოებთან დაკავშირებული პრობლემები, არ აქვს მნიშვნელობა ეს მთის კურორტი იქნება, თუ ზღვის. ამ მხრივ ვითარება ყოველ წელს უარესდება.

 

ხოლო რაც შეეხება ზღვის კურორტებს, ყველაზე მეტი საყვედური ტურისტების მხრიდან საპირფარეშოების ანტისანიტარიასთან, ან მის არარსებობასთან დაკავშირებით ისმოდა.

  

- პრობლემები სხვა მთის კურორტებზეც იყო, თქვენი აზრით  სვანეთი და ბაკურიანი როგორ შეხვდა სეზონს?

 

- სვანეთს წელს დიდი რაოდენობით ტურისტი ესტუმრა. თვალსაჩინოა დანაგვიანების პრობლემა, როგორც ტყეებში, ბილიკებზე, ასევე სოფლებში. სამწუხაროა, რომ დასუფთავების სამსახური ხშირად ნაგავს ხევებსა და მდინარეებში ყრის და თითქოს ეს პრობლემა ტურისტების გარდა არავის ადარდებს. საყოფაცხოვრებო ნარჩენების საკითხი წლების განმავლობაში მოუგავრებელი პრობლემაა რაზეც საუბრობენ, როგორც უცხოელი, ასევე ქართველი ტურისტები. ეს საკითხი აუცილებლად უნდა მოგვარდეს.

 


სვანეთში შიდა გზებიც ცუდ მდგობარეობაშია. უშგული, ბეჩოს ხეობაში ოთხი წელია გზის სარემოენტო სამუშაოები შეჩერებულია და მიზეზი გაუქმებული ტენდერებია.

 

- წელს ბაკურიანში ჩასული დამსვენებლები ძირითადად მშენებლობებისგან გამოწვეულ მტვერზე, უჰაერობასა და ხმაურზე საუბრობდნენ. გარდა ბაკურიანისა, სხვაგან თუ იყო მსგავსი სიტუაცია?

 

- დიახ, ბაკურიანში ძალიან ბევრი მშენებლობა მიმდინარეობდა. მაშინ როდესაც დასვენების სეზონია და ყველა მხრიდან სამშენებლო სამუშაოებით გამოწვეული ხმაურია, იქ სიმყუდროვეზე საუბარი ზედმეტია. კურორტი ისევ განვითარების ეტაპზეა და დამსვენებლების მისაღებად იქ ბევრი რამ მზად არ არის.

 

გარდა ბაკურიანისა, სვანეთშიც უკონტროლო მშენებლობები მიმდინარეობს. მოსახლეობა ისტორიულ სოფლებში თანამედროვე შენობებს აშენებს, ხოლო მეორე მხრივ სამღვდელო პირები ეკლესიების გადაკეთება-გარემონტებით არიან დაკავებული. ორივე ტიპის მშენებლობას კრძალავს კანონი, მაგრამ კონტროლი არ ხდება.

 

ასევე, თუშეთის სოფლებიდან ბევრი კულტურული ძეგლია, თუმცა უკანონო მშენებლობები მიმდინარეობს და ტრადიციული არქიტექტურის უგულებელყოფა ხდება. 

 

ასეთი ტემპებით თუ გაგრძელდა საქართველოს კულტურულ ტურიზმზე ხმა არ ექნება ამოსაღები, ისევე როგორც ეკოტურიზმზე, რადგან საქართველოს თითქმის ყველა ხეობაში ჰესებს აშენებენ და გარემო ზიანდება. საჭიროა - რეგიონები, ხეობები და ბუნების ძეგლები, სადაც მხოლოდ ხელუხლებელი ბუნება იქნება და არანაირი ინფრასტრუქტურა. ეს უფრო მოიზიდავს ტურისტებს, ვიდრე უგემოვნო შენობები და ჯიხურები ჯუთა-ჭაუხის მსგავსად. 

  

- ტურისტების ტრანსპორტირებასთან დაკავშირებით როგორი მდგომარეობა იყო და ამ მიმართულებით მათ ძირითადად რა სახის პრობლემები ექმნებოდათ?

 

- ძალიან ცუდი გამოხმაურება იყო ტურისტების მხრიდან თბილისის ავტოსადგურებზე. დიდუბე-ოკრიბას, ვაგზლის და ისანი-სამგორის სადგურებში ჯერ კიდევ 90-იანი წლებია და ამაზე სახელმწიფო რატომღაც სდუმს. პრობლემა ტრანსპორტის დაბალ ხარისხსაც ეხება და ზოგიერთი მძღოლის არაკეთილსინდისიერებასაც. რაც თბილისის ავტოსადგურების შესახებ გაისმა ტურისტების მხრიდან, ქვეყნის იმიჯს სერიოზულ ზიანს აყენებს.  

 

მიუხედავად იმისა, რომ ზაფხულში ტურისტების რაოდენობა გაიზარდა, ქვეყანა საკმაოდ მოუმზადებელი აღმოჩნდა მათი მიღებისთვის.

 

-როგორ ფიქრობთ, ტურისტების რომელი სეგმენტი უშლის ხელს ქვეყანაში ტურიზმის განვითარებას და თუ შეგიძლიათ კონკრეტული მაგალითების მოყვანა?

 

-მაგალითად, საქართველოში ჩამოსული დაბალბიუჯეტიანი ტურისტების კატეგორიას ხარისხზე პრეტენზია არ გამოუთქვამს, რადგან მათთვის მთავარია ნაკლები თანხა დახარჯონ, რასაც ახერხებენ კიდეც. ასეთი ტურისტები ტურიზმის განვითარებას და ზოგადად მომსახურების გაუმჯობესებას ხელს არ უწყობენ.

 

საქართველოს ესაჭიროება მაღალი და საშუალო კატეგორიის ტურისტები, რომელთა მოთხოვნებიც და გადახდისუნარიანობაც მაღალია. სხვა შემთხვევაში ვერ მივაღწევთ ტურიზმის მაღალ მაჩვენებელს. ვიზიტორების ნაწილი ეძებს იაფ შეთავაზებებს ან ისეთი სერვისის მიმწოდებელს, რომელიც არ არის რეგისტრირებული, სთავაზობს ნაღდი ანგარიშით მომსახურების საფასურის გადახდას, ეს თანხა არსად აღირიცხება და შესაბამისად არც საშემოსავლო გადასახადი შედის სახელმწიფო ბიუჯეტში. ამის მაგალითი უამრავია: ტრანსპორტის (მსუბუქი ავტომობილები, მიკროავტობუსები, კვადროციკლები), გიდების და პარაპლანების მომსახურება.

 

-რა არის არსებული სიტუაციიდან გამოსავალი და როგორი სახის ცვლილებებია საჭირო ქვეყანაში ამ მიმართულებით?

 

-ჩვენი რესურსები დასავლეთის ბაზრებისკენ უნდა მივმართოთ და აღმოსავლეთის ქვეყნებიდან ვიზიტორების შემოსვლის რაოდენობა უნდა შევამციროთ, თუნდაც სავიზო რეჟიმი დავაწესოთ გარკვეული პერიოდულობით. ტურისტული ნაკადების მართვა შესაძლებელია. 

 

ამის შემდგომ  იქნება, როგორც ეკონომიკური ზრდა, ასევე კულტურის დონის ამაღლება და ხარისხი. ის ხარისხი რაც წელს საქართველოს კურორტებზე შეინიშნებოდა ევროპელი ტურისტისთვის აბსოლუტურად მიუღებელი იყო.

 

ავტორი: ლიკა გურაბანიძე



ავიაკომპანია „ჯორჯიან ეარვეისი“ 25 მარტიდან 10 ახალი მიმართულებით იფრენს

person access_time2018-02-19 13:52:29
ავიაკომპანია  „ჯორჯიან ეარვეისი“  2018 წლის 25 მარტიდან ახალ რეისებს იწყებს. როგორც ავიაკომპანიაში აცხადებენ, თბილისიდან პირდაპირი რეისები შესრულდება პარიზის, ბარსელონას, ბოლონიას, ბერლინის, კიოლნის, ყაზანის, ათენის, სალონიკის, ბრატისლავას და ხარკოვის მიმართულებებით. ასევე 2018 წელს განახლდება „ჯორჯიან ეარვეისის“  ავიაპარკი და მას შეემატება Embraer 190-ის და Boeing 737-800-ის ტიპის თვითმფრინავები.   ამ ეტაპზე ავიაკომპანია რეისებს...

რა თანხა დაგჭირდებათ საქართველოში 4-სულიანი ოჯახის სარჩენად

person access_time2018-02-19 16:31:48
2018 წლის იანვრის მონაცემების მიხედვით, საშუალო მომხმარებლის საარსებო მინიმუმი საქართველოში - 155 ლარი, ოთხსულიანი ოჯახის საარსებო მინიმუმი კი - 309.9 ლარია.  „ბიზნესპრესნიუსი“ დაინტერესდა, თუ როგორია თვეში ერთი ადამიანის ხარჯი და შემოსავალი საშუალოდ, მინიმუმ რა ოდენობის თანხაა საჭირო ოთხსულიანი ოჯახის სარჩენად და არის თუ არა ამისთვის 309.9 ლარი საკმარისი. ოფიციალური მონაცემებით, საქართველოში საშუალო თვიური ხარჯები ერთ სულ მოსახლეზე ყოველწლიურად...

„ბეკო“ საფეხბურთო კლუბ „ბარსელონასთან“ სასპონსორო შეთანხმებას აგრძელებს და აფართოებს

person access_time2018-02-19 12:11:06
ბარსელონა, 15 თებერვალი, 2018. ევროპაში საყოფაცხოვრებო ტექნიკის წამყვანმა ბრენდმა „ბეკომ“ დღეს გამოაცხადა საფეხბურთო კლუბ „ბარსელონას“ სპონსორობის გაგრძელების შესახებ, რაც მომდევნო სამი სპორტული სეზონის განმავლობაში რამდენიმე საინტერესო ერთობლივ ინიციატივაში გამოიხატება. ახალი შეთანხმება, რომლის შესახებ საფეხბურთო კლუბ „ბარსელონას“ სტადიონ „კამპ ნოუზე“ მდებარე „Auditori 1899“-ში გამართულ პრესკონფერენციაზე გახდა ცნობილი, ანიჭებს „ბეკოს“ მთავარი პარტნიორისა და საფეხბურთო...

მშენებლობაზე პირველივე დარღვევის აღმოჩენის შემთხვევაში, ჯარიმა 30 ათასი ლარი იქნება

person access_time2018-02-19 13:38:26
„მივესალმებით მშენებლობის მაღალ ტემპს, თუმცა, რა თქმა უნდა, ეს არ უნდა ხდებოდეს ადამიანის მსხვერპლისა და სხვა პრობლემების, მათ შორის, ურბანული დამახინჯების ხარჯზე,- ამის შესახებ საქართველოს პარლამენტის თავმჯდომარე ირაკლი კობახიძემ დღეს, თბილისის მერთან, კახა კალაძესთან შეხვედრის შემდეგ განაცხადა.   შეხვედრაზე სამშენებლო სფეროში შრომის უსაფრთხოებისა და ამასთან დაკავშირებით, პროდუქტის უსაფრთხოებისა და თავისუფალი მიმოქცევის კოდექსში შესატანი ცვლილებების შესახებ იმსჯელეს....

„აფბა“: „საგზაო დეპარტამენტი „სინოჰიდროს“ თაობაზე დასკვნას არ ასაჯაროვებს“

person access_time2018-02-19 12:40:07
ჩინურ „სინოჰიდროსთან“  დაკავშირებით, „ახალგაზრდა ფინანსისტთა და ბიზნესმენთა ასოციაცია“  განცხადებას აქვეყნებს, რომელსაც „კომერსანტი“  უცვლელად გთავაზობთ:  „ჩინური „სინოჰიდროს“  დარღვევებზე და გზების უხარისხო მშენებლობაზე საგზაო დეპარტამენტის თავმჯდომარე გიორგი სეთურიძე საზოგადოებას ამა წლის 29 იანვარს შეპირდა, რომ სინოჰიდროს საქმიანობის თაობაზე დასკვნას 1 კვირაში გამოაქვყნებდა. თუმცა, უკვე...


მსგავსი სიახლეები