JPMorgan- ის ხელმძღვანელის განცხადების შემდეგ ბიტკოინის კურსი ბოლო 3 კვირის მინიმუმამდე დაეცა

access_time2017-09-13 19:40:05

ამერიკული მულტინაციონალური საბანკო და საფინანსო სერვისების კომპანია JPMorgan Chase-ის ხელმძღვანელმა, ბიტკოინი მწვავედ გააკრიტიკა, ჯეიმი დაიმონმა ბიტკოინს „თაღლითობა“ უწოდა. აღნიშნული განცხადება დაიმონმა Barclays-ის საინვესტიციო კონფერენციაზე გააკეთა. მისი თქმით, JPMorgan Chase-ს დატოვებს ნებისმიერი თანამშრომელი, რომელიც ბიტკოინით ვაჭრობს.

 

„ბლოკჩეინ ტექნოლოგიას მხარს ვუჭერდი, თუმცა ბიტკოინით ვაჭრობა ბანკის წესებთან წინააღმდეგობაში მოდის. ბიტკოინი ძალიან საშიშია“, - განაცხადა დაიმონმა, რის შემდეგაც, ყველაზე ცნობილი კრიპტოვალუტის ღირებულება შემცირდა.

 

ბიტკოინის კურსი 3953$-მდე დაეცა, 22 აგვისტოს შემდეგ ეს პირველი შემთხვევაა, როდესაც იგი 4000$ ნიშნულს ჩამოსცდა - ამის შესახებ იტყობინება Financial Times. სექტემბრის დასაწყისში კრიპტოვალუტის კურსი 4979,9$-მდე ავიდა. 2016 წლის ბოლოს ბიტკოინი 1000$-ზე ნაკლები ღირდა, ხოლო მისი რეკორდული ღირებულება 5012$-ს შეადგენდა.

 

ბიტკოინის ფასზე ასევე ნეგატიური გავლენა მოახდინა ინფორმაციამ, რომლის თანახმადაც ჩინეთი ბიტკოინისა და ყველა კრიპტოავალუტის აკრძალვას აპირებს. ამ გზით ჩინეთი არსებული კაპიტალის გადინების შეჩერებას გეგმავს.

 

„ეს კარგად არ დამთავრდება. ბიტკოინი კრიმინალურ აქტივობასთანაც ხშირად არის დაკავშირებული“, - აღნიშნა დაიმონმა და გაიხსენა შემთხვევა, როდესაც გლობალური კიბერთავდასხმის დროს ჰაკერები კომპიუტერის განბლოკვისთვის ფულის ბიტკოინით გადარიცხვას ითხოვდნენ. ამასთან, ვენესუელასა და ეკვადორში ნარკოტიკებით ვაჭრობაში ანგარიშსწორება ხშირად სწორედ ბიტკოინით ხდება.


 

დაიმონის თქმით, ბიტკოინის ფასის ზრდის ტენდენცია მუდმივად არ შენარჩუნდება. „ადამიანები ფრთხილად უნდა იყვნენ. ჩემმა ქალიშვილმა ბიტკოინი მიყიდა. მას შემდეგ მისი ღირებულება გაიზარდა, ჩემს ქალიშვილს კი თავი გენიოსი ჰგონია“, - გაიხუმრა დაიმონმა.

 

CNNMoney



ავიაკომპანია „ჯორჯიან ეარვეისი“ 25 მარტიდან 10 ახალი მიმართულებით იფრენს

person access_time2018-02-19 13:52:29
ავიაკომპანია  „ჯორჯიან ეარვეისი“  2018 წლის 25 მარტიდან ახალ რეისებს იწყებს. როგორც ავიაკომპანიაში აცხადებენ, თბილისიდან პირდაპირი რეისები შესრულდება პარიზის, ბარსელონას, ბოლონიას, ბერლინის, კიოლნის, ყაზანის, ათენის, სალონიკის, ბრატისლავას და ხარკოვის მიმართულებებით. ასევე 2018 წელს განახლდება „ჯორჯიან ეარვეისის“  ავიაპარკი და მას შეემატება Embraer 190-ის და Boeing 737-800-ის ტიპის თვითმფრინავები.   ამ ეტაპზე ავიაკომპანია რეისებს...

რა თანხა დაგჭირდებათ საქართველოში 4-სულიანი ოჯახის სარჩენად

person access_time2018-02-19 16:31:48
2018 წლის იანვრის მონაცემების მიხედვით, საშუალო მომხმარებლის საარსებო მინიმუმი საქართველოში - 155 ლარი, ოთხსულიანი ოჯახის საარსებო მინიმუმი კი - 309.9 ლარია.  „ბიზნესპრესნიუსი“ დაინტერესდა, თუ როგორია თვეში ერთი ადამიანის ხარჯი და შემოსავალი საშუალოდ, მინიმუმ რა ოდენობის თანხაა საჭირო ოთხსულიანი ოჯახის სარჩენად და არის თუ არა ამისთვის 309.9 ლარი საკმარისი. ოფიციალური მონაცემებით, საქართველოში საშუალო თვიური ხარჯები ერთ სულ მოსახლეზე ყოველწლიურად...

„ბეკო“ საფეხბურთო კლუბ „ბარსელონასთან“ სასპონსორო შეთანხმებას აგრძელებს და აფართოებს

person access_time2018-02-19 12:11:06
ბარსელონა, 15 თებერვალი, 2018. ევროპაში საყოფაცხოვრებო ტექნიკის წამყვანმა ბრენდმა „ბეკომ“ დღეს გამოაცხადა საფეხბურთო კლუბ „ბარსელონას“ სპონსორობის გაგრძელების შესახებ, რაც მომდევნო სამი სპორტული სეზონის განმავლობაში რამდენიმე საინტერესო ერთობლივ ინიციატივაში გამოიხატება. ახალი შეთანხმება, რომლის შესახებ საფეხბურთო კლუბ „ბარსელონას“ სტადიონ „კამპ ნოუზე“ მდებარე „Auditori 1899“-ში გამართულ პრესკონფერენციაზე გახდა ცნობილი, ანიჭებს „ბეკოს“ მთავარი პარტნიორისა და საფეხბურთო...

მშენებლობაზე პირველივე დარღვევის აღმოჩენის შემთხვევაში, ჯარიმა 30 ათასი ლარი იქნება

person access_time2018-02-19 13:38:26
„მივესალმებით მშენებლობის მაღალ ტემპს, თუმცა, რა თქმა უნდა, ეს არ უნდა ხდებოდეს ადამიანის მსხვერპლისა და სხვა პრობლემების, მათ შორის, ურბანული დამახინჯების ხარჯზე,- ამის შესახებ საქართველოს პარლამენტის თავმჯდომარე ირაკლი კობახიძემ დღეს, თბილისის მერთან, კახა კალაძესთან შეხვედრის შემდეგ განაცხადა.   შეხვედრაზე სამშენებლო სფეროში შრომის უსაფრთხოებისა და ამასთან დაკავშირებით, პროდუქტის უსაფრთხოებისა და თავისუფალი მიმოქცევის კოდექსში შესატანი ცვლილებების შესახებ იმსჯელეს....

„აფბა“: „საგზაო დეპარტამენტი „სინოჰიდროს“ თაობაზე დასკვნას არ ასაჯაროვებს“

person access_time2018-02-19 12:40:07
ჩინურ „სინოჰიდროსთან“  დაკავშირებით, „ახალგაზრდა ფინანსისტთა და ბიზნესმენთა ასოციაცია“  განცხადებას აქვეყნებს, რომელსაც „კომერსანტი“  უცვლელად გთავაზობთ:  „ჩინური „სინოჰიდროს“  დარღვევებზე და გზების უხარისხო მშენებლობაზე საგზაო დეპარტამენტის თავმჯდომარე გიორგი სეთურიძე საზოგადოებას ამა წლის 29 იანვარს შეპირდა, რომ სინოჰიდროს საქმიანობის თაობაზე დასკვნას 1 კვირაში გამოაქვყნებდა. თუმცა, უკვე...


მსგავსი სიახლეები