„უცხოეთში არცერთი ქვეყნის ეროვნული ბანკი მევახშის დონეზე არ ჩამოდის“ - დავით წიქარიძე არასაბანკო საფინანსო სექტორის რეგულირებაზე

access_time2017-12-05 17:30:22

„კარგია, რომ ეროვნულ ბანკს არასაბანკო საფინანსო ორგანიზაციების რეგულირება სურს, თუმცა მეორე საკითხია, როგორ აპირებს ამის განხორციელებას“, - ასე ეხმაურება „კომერსანტთან“ საუბრისას ფინანსისტი დავით წიქარიძე ეროვნული ბანკის პრეზიდენტის კობა გვენეტაძის განცხადებას არასაბანკო საფინანსო სექტორის რეგულირებასთან დაკავშირებით.


„არასაბანკო სექტორთან დაკავშირებით, ჩვენი მიდგომა არის ის, რომ უნდა დაიწყოს ამ სექტორის რეგულირება, რადგან იქ არის იმის საფუძველი, რომ შეიქმნას საკმაოდ დიდი მოწყვლადობა, აქედან გამომდინარე, ეროვნულმა ბანკმა შეიმუშავა მიდგომები, თუ როგორ უნდა მოევლოს ამას. ეს პაკეტი პარლამენტშია წარმოდგენილი. ჩვენ გვაქვს განსაზღვრული ისე, რომ არასაბანკო საფინანსო სექტორის რეგულირება დავიწყოთ თავიდან რბილად. ვფიქრობ ეს შეამცირებს იმ მოწყვლადობას, რომელიც ამ სექტორში დღესდღეობით არსებობს“, - განაცხადა კობა გვენეტაძემ.


ფინანსისტი დავით წიქარიძე მიიჩნევს, რომ ყველა სფეროს დარეგულირება რთული პროცესი იქნება. 

 

„აუცილებლად დასარეგულირებელია საბირჟო-სავაჭრო ორგანიზაციები, რომლებიც ბოლო დროს ასე მომრავლდა. ამ სფეროში სავალალო სიტუაციაა და აღნიშნულ საკითხზე ჯერ კიდევ 5 წლის წინ ეროვნულ ბანკს წერილითაც კი მივმართე.


საერთოდ, კარგია, რომ ეროვნულ ბანკს არასაბანკო საფინანსო ორგანიზაციების რეგულირება სურს, თუმცა მეორე საკითხია როგორ აპირებს ამის განხორციელებას. რამდენად მოხდება ყველა სფეროს დარეგულირება ეს სხვა საქმეა. მაგალითად, კერძო იპოთეკარებს ეროვნული ბანკი ვერ დაარეგულირებს“, - განაცხადა დავით წიქარიძემ.

 

„კომერსანტთან“ საუბრისას ექსპერტი უცხოეთის ქვეყნების მაგალითსაც განიხილავს და აცხადებს, რომ ფინანსურ ორგანიზაციებზე რეგულირებას იქ არა ცენტრალური ბანკი, არამედ სამინისტროები ახორციელებენ. 


„როგორც დასავლურ ქვეყნებში, ჩვენთანაც კანონი უნდა არსებობდეს, რომ არასაბანკო დაწესებულებები რეგულაციების ქვეშ იყვნენ. ამის კონტროლი ფინანსთა სამინისტროს, საგადასახადო სამსახურს, ან შინაგან საქმეთა სამინისტროს ფინანსური ზედამხედველობის განყოფილებას უნდა დაევალოს. ასე ხდება სხვა განვითარებულ ქვეყნებში უცხოეთში არცერთი ქვეყნის ეროვნული ბანკი მევახშის დონეზე არ ჩამოდის“, - აღნიშნა წიქარიძემ.

 


ავტორი: ლიკა გურაბანიძე



მომგებიანი ბანკების რეიტინგი – 16-დან 15 მოგებაზეა

person access_time2017-12-18 19:30:37
1 დეკემბრისთვის 16-დან 15 მოგებაზეა და 90% 5 ბანკზე მოდის (L/Y – 13; 87%). ყველაზე მეტი მოგება საქართველოს ბანკს აქვს, 2016 წელს მოგების მაჩვენებლით პირველ ადგილზე თიბისი ბანკი იყო.                                                                        ...

Reuters: ევროკავშირი ბიტკოინთან დაკავშირებით ზომების გამკაცრებას აპირებს

person access_time2017-12-18 20:00:04
ევროკავშირის წევრი ქვეყნების გადაწყვეტილებით, ბიტკოინითა და სხვა კრიპტოვალუტებით მიმდინარე ფულის გათეთრებისა და ტერორიზმის დაფინანსების აღსაკვეთად, ზომების გამკაცრება იგეგმება. Reuters-ის ინფორმაციით, ახალი წესის ამოქმედების შემდეგ ადამიანები წინასწარი გადახდის ბარათებით ანონიმური გადარიცხვების წარმოებას ვეღარ შეძლებენ. „დღევანდელი გადაწყვეტილებით, გადახდები გახდება უფრო მეტად გამჭვირვალე, რაც ხელს შეუწყობს ფულის გათეთრებისა და ტერორიზმის დაფინანსების პრევენციას,“...

ზვიად ციკოლია თვითმფრინავის პრეზენტაციას იანვარში გამართავს

person access_time2017-12-18 16:00:06
როგორ აქცია რეალობად ლუდის სმის დროს დაბადებული იდეა ზვიად ციკოლიამ დიზაინერმა ზვიად ციკოლიამ პირველი ქართული თვითმფრინავი შექმნა. ერთადგილიანი თვითმფრინავის შექმნის იდეა მეგობრებს რამდენიმე წლის წინ გაუჩნდათ, თუმცა ფინანსების არქონის გამო მისი განხორციელება აქამდე ვერ მოხერხდა. რამდენიმე დღეში კი პატარა, ლაჟვარდისფერი თვითმფრინავის პრეზენტაცია მალე შედგება – მას ციკოლიამ „ლიზი” უწოდა, თავისი პატარა ძმისშვილის...

ზურაბ ალავიძე: 2018-2020 წლებში საგზაო ინფრასტრუქტურაში 4,5 მილიარდი ლარის ღირებულების პროექტები განხორციელდება

person access_time2017-12-18 15:00:28
2018-2020 წლებში საგზაო ინფრასტრუქტურის მიმართულებით 4, 5 მილიარდი ლარის ღირებულების პროექტები განხორციელდება იგეგმება - ამის შესახებ, რეგიონული განვითარებისა და ინფრასტრუქტურის მინისტრმა დღეს გამრთულ, მეგზევის დღისადმი მიძღვნილ ღონისძიებაზე განაცხადა.     ზურაბ ალავიძემ მეგზევეებს პროფესიული დღე მიულოცა, საგზაო სექტორში დღეს არსებულ მიღწევებსა და სამომავლო გამოწვევებზე ისაუბრა. მინისტრმა გამოსვლისას, ხაზი გაუსვა სივრცითი მოწყობის გეგმის შესრულების...

ჯანდაცვის სამინისტრო მაღალმთიან სოფლებში სამედიცინო მომსახურების პრობლემას უარყოფს

person access_time2017-12-18 17:30:41
„მაღალმთიან რეგიონებში პირველადი სამედიცინო დახმარების მინიმალური სტანდარტები საკმარისია, როგორც პაციენტის დიაგნოსტიკისთვის, ასევე პირველადი სამედიცინო დახმარებისთვის“, - ასე ეხმაურება „კომერსანტთან“ საუბრისას, მაღალმთიან რეგიონებში არსებულ პირველად სამედიცინო დახმარებასთან დაკავშირებულ პრობლემას ჯანდაცვის დეპარტამენტის პოლიტიკის სამმართველოს უფროსი ქეთევან გოგინაშვილი.    მაღალმთიან სოფლებში პირველადი...


მსგავსი სიახლეები