ბათუმი-გოდერძის მიმართულებით ფრენები წელს ვერ დაიწყება

access_time2017-12-07 13:20:59

ბათუმი-გოდერძის მიმართულებით დაანონსებული ფრენები, რომლებიც მიმდინარე ზამთრის სეზონზე უნდა დაწყებულიყო, ვერ განხორციელდება. როგორც აჭარის ფინანსთა და ეკონომიკის სამინისტროს საზოგადოებასთან ურთიერთობის განყოფილების უფროსი თამარ დიასამიძე „კომერსანტთან“ საუბრისას აღნიშნავს, ამის მიზეზი გოდერძიზე მიწის გამოსყიდვის პროცედურების მიმდინარეობაა.


„კურორტის განაშენიანების რეგულირების გეგმის მიხედვით, კურორტის ტერიტორიაზე ამ ეტაპზე მიწის გამოსყიდვის პროცედურები მიმდინარეობს, რომელიც მოიცავს ვერტმფრენის ასაფრენ-დასაფრენი ბილიკის მოწყობასაც. როგორც კი დასრულდება მიწების გამოსყიდვის პროცედურები, ვერტმფრენის მოედანს გავაკეთებთ. 2017-2018 წლის ზამთრის სეზონზე ვერტმფრენის დანიშვნა ვერ მოესწრება. თუმცა სამუშაოები გაგრძელდება, რომ უახლოეს მომავალში მოედნის მშენებლობა დაიწყოს“ - აღნიშნავს დიასამიძე.


კითხვაზე, რატომ ვერ მოხერხდა ამ დრომდე ფრენების დანიშვნა, დიასამიძე პასუხობს, რომ ყველაფერი პროცედურული თანმიმდევრობით მიდის.


კურორტ Goderdzi Resort-ის დირექტორი ზურაბ ჭურკვეიძე დაახლოებით ერთი თვის წინ „კომერსანტთან“ საუბრობდა, რომ გოდერძი-ბათუმის მიმართულებით ფრენები შესაძლოა, აღარ დანიშნულიყო: „ახლა ტექნიკურ-ეკონომიკური დასაბუთების ეტაპს გავდივართ. როგორც იცით, ჩვენმა კომპანიამ ფრენებზე სუბსიდირება უნდა მოახდინოს. ჩვენ რომ დავიქირაოთ ვერტმფრენი, ეკონომიკურად მომგებიანი იქნება თუ არა, ან მასზე მოთხოვნა იქნება თუ არა, ჯერ ეს უნდა შევისწავლოთ. მგზავრები რომ არ გვყავდეს, ფრენას რა აზრი ექნება. ეს კომპანიისთვის წამგებიანი იქნება. სანამ ამ დეტალებს ვერ გავარკვევთ, ფრენები ვერ განხორციელდება“, - აცხადებდა ჭურკვეიძე.


კორორტი Goderdzi Resort 2015 წლის დეკემბერში გაიხსნა. კურორტიდან ბათუმის მიმართულებით რეისის დანიშვნაზე საუბარი რამდენიმე თვის წინ დაიწყო და როგორც მაშინ ზურაბ ჭურკვეიძე აცხადებდა, ვერტმფრენი 2017 წლის დეკემბრიდან უნდა დანიშნულიყო.


ავტორი: თეონა კენჭიაშვილი




მომგებიანი ბანკების რეიტინგი – 16-დან 15 მოგებაზეა

person access_time2017-12-18 19:30:37
1 დეკემბრისთვის 16-დან 15 მოგებაზეა და 90% 5 ბანკზე მოდის (L/Y – 13; 87%). ყველაზე მეტი მოგება საქართველოს ბანკს აქვს, 2016 წელს მოგების მაჩვენებლით პირველ ადგილზე თიბისი ბანკი იყო.                                                                        ...

Reuters: ევროკავშირი ბიტკოინთან დაკავშირებით ზომების გამკაცრებას აპირებს

person access_time2017-12-18 20:00:04
ევროკავშირის წევრი ქვეყნების გადაწყვეტილებით, ბიტკოინითა და სხვა კრიპტოვალუტებით მიმდინარე ფულის გათეთრებისა და ტერორიზმის დაფინანსების აღსაკვეთად, ზომების გამკაცრება იგეგმება. Reuters-ის ინფორმაციით, ახალი წესის ამოქმედების შემდეგ ადამიანები წინასწარი გადახდის ბარათებით ანონიმური გადარიცხვების წარმოებას ვეღარ შეძლებენ. „დღევანდელი გადაწყვეტილებით, გადახდები გახდება უფრო მეტად გამჭვირვალე, რაც ხელს შეუწყობს ფულის გათეთრებისა და ტერორიზმის დაფინანსების პრევენციას,“...

ზვიად ციკოლია თვითმფრინავის პრეზენტაციას იანვარში გამართავს

person access_time2017-12-18 16:00:06
როგორ აქცია რეალობად ლუდის სმის დროს დაბადებული იდეა ზვიად ციკოლიამ დიზაინერმა ზვიად ციკოლიამ პირველი ქართული თვითმფრინავი შექმნა. ერთადგილიანი თვითმფრინავის შექმნის იდეა მეგობრებს რამდენიმე წლის წინ გაუჩნდათ, თუმცა ფინანსების არქონის გამო მისი განხორციელება აქამდე ვერ მოხერხდა. რამდენიმე დღეში კი პატარა, ლაჟვარდისფერი თვითმფრინავის პრეზენტაცია მალე შედგება – მას ციკოლიამ „ლიზი” უწოდა, თავისი პატარა ძმისშვილის...

ზურაბ ალავიძე: 2018-2020 წლებში საგზაო ინფრასტრუქტურაში 4,5 მილიარდი ლარის ღირებულების პროექტები განხორციელდება

person access_time2017-12-18 15:00:28
2018-2020 წლებში საგზაო ინფრასტრუქტურის მიმართულებით 4, 5 მილიარდი ლარის ღირებულების პროექტები განხორციელდება იგეგმება - ამის შესახებ, რეგიონული განვითარებისა და ინფრასტრუქტურის მინისტრმა დღეს გამრთულ, მეგზევის დღისადმი მიძღვნილ ღონისძიებაზე განაცხადა.     ზურაბ ალავიძემ მეგზევეებს პროფესიული დღე მიულოცა, საგზაო სექტორში დღეს არსებულ მიღწევებსა და სამომავლო გამოწვევებზე ისაუბრა. მინისტრმა გამოსვლისას, ხაზი გაუსვა სივრცითი მოწყობის გეგმის შესრულების...

ჯანდაცვის სამინისტრო მაღალმთიან სოფლებში სამედიცინო მომსახურების პრობლემას უარყოფს

person access_time2017-12-18 17:30:41
„მაღალმთიან რეგიონებში პირველადი სამედიცინო დახმარების მინიმალური სტანდარტები საკმარისია, როგორც პაციენტის დიაგნოსტიკისთვის, ასევე პირველადი სამედიცინო დახმარებისთვის“, - ასე ეხმაურება „კომერსანტთან“ საუბრისას, მაღალმთიან რეგიონებში არსებულ პირველად სამედიცინო დახმარებასთან დაკავშირებულ პრობლემას ჯანდაცვის დეპარტამენტის პოლიტიკის სამმართველოს უფროსი ქეთევან გოგინაშვილი.    მაღალმთიან სოფლებში პირველადი...


მსგავსი სიახლეები