„ანაკლიის ღრმაწყლოვანი პორტი დიდი გემების მხოლოდ ნაწილის მიღებას შეძლებს“

access_time2017-12-06 09:00:10

„ანაკლიის ღრმაწყლოვანი პორტი დიდი გემების მხოლოდ ნაწილის მიღებას შეძლებს“ განუცხადა „კომერსანტს“  ბიზნესის ანალიტიკოსმა, საზღვაო მომსახურებისა და სატრანსპორტო კომპანია „ტრანს ლოგისტიკის“ დირექტორმა ჯაბა თარიმანაშვილმა.


როგორც ცნობილია, „ფოთის პორტის“ დირექტორმა კლაუს ლარსენმა ანალიტიკასთან ინტერვიუში განაცხადა, რომ არანაირ გათვლებს არ აწარმოებს ანაკლიასთან დაკავშირებით. „ამ ეტაპზე ინდუსტრიის შიგნით, ჩვენ ვერ ვხედავთ ანაკლიის პორტის საჭიროებას. თავად ამბობენ, რომ ღრმაწყლოვან პორტს აშენებენ. მაგრამ დღეს არ დგას ღრმაწყლოვანი პორტისთვის დამახასიათებელი დიდი ტვირთების მიღების საჭიროება. ახალ აბრეშუმის გზას თუ შევხედავთ, მსოფლიოს ამ ნაწილში ის ჭრის შავ ზღვას ბულგარეთისკენ, რუმინეთისკენ ან უკრაინისკენ. დიდი ხომალდები არ აირჩევენ თავის მარშრუტად შავ ზღვას, ეს აზრს მოკლებულია“- განაცხადა ლარსენმა.


„კომერსანტი“ დაინტერესდა დღეს არსებულ პორტებში ხდება თუ არა დიდი მოცულობის გემების მიღება და შეძლებს თუ არა ამას ანაკლიის ღრმაწყლოვანი პორტი?


ჯაბა თარიმანაშვილი აცხადებს, რომ მსოფლიოში ტვირთების აქტიური კონტეინერიზაცია ხორციელდება, რადგან ლოგისტიკურად უფრო მარტივია საბოლოო მომხმარებლამდე განაწილება, შესაბამისად, პორტებიც ცდილობენ, რომ კონტეინერის სტივიდორული (გადატვირთვის) მომსახურების ტარიფი გაუტოლდეს ან აჯობოს ნაყარი ტვირთის დამუშავების ხარჯებს.


მისი განცხადებით, საქართველოში დღეს არსებული ტერმინალები ვერ უზრუნველყოფენ ამას, რადგან ერთის მხრივ სიღრმისა და ნავმისადგომის სიგრძის გამო, ფიზიკურად ვერ ახერხებენ დიდი ზომის გემების მიღებას და მეორე მხრივ, ლოგისტიკური ჯაჭვი უფრო გართულებულია, პორტების მდებარეობისა და განვითარების შეზღუდულობის გამო.


„საბოლოო ჯამში, გაძვირებული ლოგისტიკა თითოეულ მომხმარებლამდე დადის, რადგან საქონლის უმეტესობა ზღვით გადაიზიდება და თუ საქართველოს იმპორტზე დამოკიდებულების ჭრილში განვიხილავთ, ეფექტიანი ლოგისტიკა სასიცოცხლოდ მნიშვნელოვანია ქართული საზოგადოებისთვის და დარგობრივი განვითარებისათვის“ - აცხადებს თარიმანაშვილი.


მისი ინფორმაციით, შავ ზღვაზე შემოსვლის ძირითადი შეზღუდვა თურქეთის სრუტეებია. თარიმანაშვილის მტკიცებით შესაძლოა, შავ ზღვაზე შემოვიდეს დიდი გემები, მაგრამ ამ შემთხვევაში შეზღუდვაა მაქსიმალური სიგრძე და სიმაღლე წყლის ზედაპირიდან ხიდამდე.


თარიმანაშვილის თქმით, იმისათვის, რომ გემი ხმელთაშუა ზღვიდან შავ ზღვაზე მოხვდეს თურქეთის სრუტეები დარდანელი და ბოსფორი უნდა გაიაროს. შედეგად, სრუტეების შეზღუდულობიდან გამომდინარე გემის მაქსიმალური სიდიდეები განისაზღვრება.


მისი ინფორმაციით, 300 მეტრამდე სიგრძის გემები სპეციალური ნებართვის გარეშე გადიან, მაგრამ ხიდების გამო არის დამატებით სიმაღლის შეზღუდვა 57 მეტრამდე წყლის ზედაპირიდან. ხოლოს წყალშიგის (გემის ჩაღრმავების) მხრივ 20 მეტრამდე.


„მე მახსოვს 2007 წელს ძალიან ბევრი კონტეინერი იყო სტამბოლში გაჭედილი. რამდენიმე გემით ცდილობდნენ გამოტანას, თუმცა, საქართველო მცირე გემებით ღებულობდა ტვირთებს და დიდი დრო სჭირდებოდა დაგროვილი კონტეინერების გამოთავისუფლებას. ასევე 2008 წლის მარტში ბათუმის საკონტეინერო ტერიმინალში დავცალეთ პირველი საკონტეინერო გემი MSC Granada. მაშინ ბათუმის საკონტეინერო ტერმინალს ამწეებიც არ ჰქონდა. ამიტომ, გემის ამწეებით დავცალეთ კონტეინერები. მაშინ ფოთის პორტში უამრავი გემი იდგა რეიდზე და მოცდენის ჯარიმებს (დემერჯს) იხდიდა“ - აცხადებს თარიმანაშვილი.


რაც შეეხება ანაკლიის ღრმაწყლოვან პორტს, თარიმანაშვილის განცხადებით, ის შეძლებს დიდი გემების მხოლოდ ნაწილის მიღებას. თარიმანაშვილის განცხადებით, ფოთის პორტს შეუძლია მაქსიმუმ 185 მეტრის სიგრძის საკონტეინერო გემის მიღება (უსაფრთხო წყალშიგით - 8.4 მეტრი), ბათუმის საკონტეინერო ნავსმისადგომს კი 175 მეტრი სიგრძის გემის (უსაფრთხო წყალშიგი - 9.8 მეტრი).


„ანაკლის პორტმა განაცხადა, რომ ის დიდ გემებს მიიღებს, ანუ თითქმის ორჯერ დიდს. ანაკლია ხშირად ახსენებს Panamax-ის და Post–Panamax-ის ტიპის (პანამის არხში გამსვლელი მაქსიმალური ზომის გემი) საკონტეინერო გემების მიღებას. Panamax-ის ტიპის გემების მაქსიმალური სიგრძე დაახლოებით 294 მეტრს შეადგენდა, რომელიც 5 000 ცალ კონტეინერს იტევდა. დღეს გემების გამტარიანობა უკვე გაფართოვდა. მაგრამ მიუხედავად ამისა, თურქეთის სრუტეში 300 მეტრი სიგრძის გემები გადიან. ამიტომ, კითხვები არსებობს და პირადად მეც მაქვს Post–Panamax-ის ან ახალი პანამაქსის (New Panamax) გემების შემოსვლაზე შავ ზღვაში, რომელთა სიგრძე 366 -400  მეტრამდე შეიძლება ადიოდეს. როგორ მოხვდებიან ისინი საქართველოს წყლებში?“ - აცხადებს თარიმანაშვილი.


ავტორი: სოფო ქსოვრელი 




მომგებიანი ბანკების რეიტინგი – 16-დან 15 მოგებაზეა

person access_time2017-12-18 19:30:37
1 დეკემბრისთვის 16-დან 15 მოგებაზეა და 90% 5 ბანკზე მოდის (L/Y – 13; 87%). ყველაზე მეტი მოგება საქართველოს ბანკს აქვს, 2016 წელს მოგების მაჩვენებლით პირველ ადგილზე თიბისი ბანკი იყო.                                                                        ...

Reuters: ევროკავშირი ბიტკოინთან დაკავშირებით ზომების გამკაცრებას აპირებს

person access_time2017-12-18 20:00:04
ევროკავშირის წევრი ქვეყნების გადაწყვეტილებით, ბიტკოინითა და სხვა კრიპტოვალუტებით მიმდინარე ფულის გათეთრებისა და ტერორიზმის დაფინანსების აღსაკვეთად, ზომების გამკაცრება იგეგმება. Reuters-ის ინფორმაციით, ახალი წესის ამოქმედების შემდეგ ადამიანები წინასწარი გადახდის ბარათებით ანონიმური გადარიცხვების წარმოებას ვეღარ შეძლებენ. „დღევანდელი გადაწყვეტილებით, გადახდები გახდება უფრო მეტად გამჭვირვალე, რაც ხელს შეუწყობს ფულის გათეთრებისა და ტერორიზმის დაფინანსების პრევენციას,“...

ზვიად ციკოლია თვითმფრინავის პრეზენტაციას იანვარში გამართავს

person access_time2017-12-18 16:00:06
როგორ აქცია რეალობად ლუდის სმის დროს დაბადებული იდეა ზვიად ციკოლიამ დიზაინერმა ზვიად ციკოლიამ პირველი ქართული თვითმფრინავი შექმნა. ერთადგილიანი თვითმფრინავის შექმნის იდეა მეგობრებს რამდენიმე წლის წინ გაუჩნდათ, თუმცა ფინანსების არქონის გამო მისი განხორციელება აქამდე ვერ მოხერხდა. რამდენიმე დღეში კი პატარა, ლაჟვარდისფერი თვითმფრინავის პრეზენტაცია მალე შედგება – მას ციკოლიამ „ლიზი” უწოდა, თავისი პატარა ძმისშვილის...

ზურაბ ალავიძე: 2018-2020 წლებში საგზაო ინფრასტრუქტურაში 4,5 მილიარდი ლარის ღირებულების პროექტები განხორციელდება

person access_time2017-12-18 15:00:28
2018-2020 წლებში საგზაო ინფრასტრუქტურის მიმართულებით 4, 5 მილიარდი ლარის ღირებულების პროექტები განხორციელდება იგეგმება - ამის შესახებ, რეგიონული განვითარებისა და ინფრასტრუქტურის მინისტრმა დღეს გამრთულ, მეგზევის დღისადმი მიძღვნილ ღონისძიებაზე განაცხადა.     ზურაბ ალავიძემ მეგზევეებს პროფესიული დღე მიულოცა, საგზაო სექტორში დღეს არსებულ მიღწევებსა და სამომავლო გამოწვევებზე ისაუბრა. მინისტრმა გამოსვლისას, ხაზი გაუსვა სივრცითი მოწყობის გეგმის შესრულების...

ჯანდაცვის სამინისტრო მაღალმთიან სოფლებში სამედიცინო მომსახურების პრობლემას უარყოფს

person access_time2017-12-18 17:30:41
„მაღალმთიან რეგიონებში პირველადი სამედიცინო დახმარების მინიმალური სტანდარტები საკმარისია, როგორც პაციენტის დიაგნოსტიკისთვის, ასევე პირველადი სამედიცინო დახმარებისთვის“, - ასე ეხმაურება „კომერსანტთან“ საუბრისას, მაღალმთიან რეგიონებში არსებულ პირველად სამედიცინო დახმარებასთან დაკავშირებულ პრობლემას ჯანდაცვის დეპარტამენტის პოლიტიკის სამმართველოს უფროსი ქეთევან გოგინაშვილი.    მაღალმთიან სოფლებში პირველადი...


მსგავსი სიახლეები