„საქართველოში საწვავის მოხმარება არ შემცირებულა“ - ვანო მთვრალაშვილი საწვავის იმპორტის 7,4%-იანი შემცირების მიზეზებს განმარტავს

access_time2017-12-07 17:30:28

2017 წლის იანვარ-ნოემბერში  ბენზინი და დიზელის საწვავის იმპორტი გასული წლის ანალოგიურ პერიოდთან შედარებით 7.4%-ით შემცირდა. ნავთოპროდუქტების იმპორტიორთა კავშირის ხელმძღვანელის ვანო მთვრალაშვილის განცხადებით, იმპორტის შემცირება სეზონურ ფაქტორს და ნავთოპდუქტებზე აქციზის გადასახადის ზრდას უკავშირდება.


„როგორც ცნობილია მიმდინარე წელს შევიდა ცვლილება საგადასახადო კოდექსში, კერძოდ გაიზარდა აქციზის გადასახადი ნავთობპროდუქტებზე. გასული წლის დეკემბერში შემოვიდა საკმაოდ დიდი მოცულობის ნავთობპროდუქტები, რომელიც უკვე მოხმარებაში იყო შემდგომ თვეებში, ანუ შემოვიდა იმაზე გაცილებით მეტი, რაც საშუალოდ მოხმარება იყო გასულ წლებში. მიუხედავად იმისა, რომ ბოლო თვეებში ნავთობპროდუქტებზე მაღალი ფასებია, მოხმარება მაინც მაღალ ნიშნულზეა, საქართველოში საწვავის მოხმარება არ შემცირებულა“, განაცხადა რადიო „კომერსანტის“ გადაცემაში „კომერსანტის თემა სალომე სოსელიასთან ერთად“ ნავთოპროდუქტების იმპორტიორთა კავშირის ხელმძღვანელმა ვანო მთვრალაშვილმა.


ვანო მთვრალაშვილის თქმით, მიმდინარე წელს რამდენიმე გამოწვევა იყო, მათ შორის, ნავთობის ფასები, ლარის კურსის მერყეობა, აქციზის გაზრდა, თუმცა 2017 წელი მაინც დამაკმაყოფილებელი იყო კომპანიებისთვის.


„1-ლი იანვრიდან შევიდა საგადასახადო კოდექსში ცვლილება ანუ აქციზური გადასახადი გაიზარდა და ამან საშუალოდ 25 თეთრით ფასის მატება გამოიწვია. თუმცა წელი დაწყებული აპრილის თვიდან აგვისტომდე ხასიათდებოდა იმით, რომ საერთაშორისო ფასები ნავთობზე მცირდებოდა და ჩვენთანაც საცალო ქსელში ფასები მოდიოდა დაბლა. მიუხედავად იმისა, რომ აქციზური გადასახადის გამო ფასმა მოიმატა, საცალო ქსელში ფასი მაინც ოპტიმალური იყო. აგვისტოს თვიდან საერთაშორისო ფასებმა დაიწყო მატება, ლარი გაუფასურდა, ამან, რა თქმა უნდა, გამოიწვია ფასების გაზრდა და დღეს გვაქვს საკმაოდ მაღალი ფასები. თუმცა 11 თვის მონაცემებით, იმპორტი და მოხმარება იყო საკმაოდ მაღალ ნიშნულზე. როცა მოხმარება მაღალია ეს კომპანიებისთვის მნიშვნელოვანია, რადგან მათ შორის არის საკმაოდ დიდი კონკურენცია“,-აღნიშნა ვანო მთვრალაშვილმა.


ნავთობპროდუქტების იმპორტიორთა კავშირი, 2017 წელს საავიაციო ნავთისა და ბიტუმის იმპორტის ზრდაზე საუბრობს.


„მიმდინარე წელს საავიაციო ნავთის იმპორტი არის მნიშვნელოვნად გაზრდილი. საქართველოში მიმდინარე წელი იყო საკმაოდ აქტიური ტურიზმის თვალსაზრისით. ნავთი გამოიყენება საერთაშორისო რეისების დროს, რაც იმაზე მიუთითებს რომ ამ მხრივ საქართველოში მზარდი ტენდენცია გვაქვს. აქ არის ძალიან დიდი მატება გასულ წელთან შედარებით 25%-ით მეტი საავიაციო ნავთობი არის შემოსული, რაც მიანიშნებს, რომ გაცილებით მეტი რეისი შეასრულეს ავიაკომპანიებმა. ასევე სანავთობო ბითუმი, რომელიც ინფრასტრუქტურის მშენებლობაში გამოიყენება, იმპორტი არის გაზრდილი. ეს ნიშნავს, რომ გაცილებით მეტი ინფრასტრუქტურული სამუშაოები შესრულდა მიმდინარე წელს“,-განაცხადა ვანო მთვრალაშვილმა.



„კომერსანტი“



მომგებიანი ბანკების რეიტინგი – 16-დან 15 მოგებაზეა

person access_time2017-12-18 19:30:37
1 დეკემბრისთვის 16-დან 15 მოგებაზეა და 90% 5 ბანკზე მოდის (L/Y – 13; 87%). ყველაზე მეტი მოგება საქართველოს ბანკს აქვს, 2016 წელს მოგების მაჩვენებლით პირველ ადგილზე თიბისი ბანკი იყო.                                                                        ...

Reuters: ევროკავშირი ბიტკოინთან დაკავშირებით ზომების გამკაცრებას აპირებს

person access_time2017-12-18 20:00:04
ევროკავშირის წევრი ქვეყნების გადაწყვეტილებით, ბიტკოინითა და სხვა კრიპტოვალუტებით მიმდინარე ფულის გათეთრებისა და ტერორიზმის დაფინანსების აღსაკვეთად, ზომების გამკაცრება იგეგმება. Reuters-ის ინფორმაციით, ახალი წესის ამოქმედების შემდეგ ადამიანები წინასწარი გადახდის ბარათებით ანონიმური გადარიცხვების წარმოებას ვეღარ შეძლებენ. „დღევანდელი გადაწყვეტილებით, გადახდები გახდება უფრო მეტად გამჭვირვალე, რაც ხელს შეუწყობს ფულის გათეთრებისა და ტერორიზმის დაფინანსების პრევენციას,“...

ზვიად ციკოლია თვითმფრინავის პრეზენტაციას იანვარში გამართავს

person access_time2017-12-18 16:00:06
როგორ აქცია რეალობად ლუდის სმის დროს დაბადებული იდეა ზვიად ციკოლიამ დიზაინერმა ზვიად ციკოლიამ პირველი ქართული თვითმფრინავი შექმნა. ერთადგილიანი თვითმფრინავის შექმნის იდეა მეგობრებს რამდენიმე წლის წინ გაუჩნდათ, თუმცა ფინანსების არქონის გამო მისი განხორციელება აქამდე ვერ მოხერხდა. რამდენიმე დღეში კი პატარა, ლაჟვარდისფერი თვითმფრინავის პრეზენტაცია მალე შედგება – მას ციკოლიამ „ლიზი” უწოდა, თავისი პატარა ძმისშვილის...

ზურაბ ალავიძე: 2018-2020 წლებში საგზაო ინფრასტრუქტურაში 4,5 მილიარდი ლარის ღირებულების პროექტები განხორციელდება

person access_time2017-12-18 15:00:28
2018-2020 წლებში საგზაო ინფრასტრუქტურის მიმართულებით 4, 5 მილიარდი ლარის ღირებულების პროექტები განხორციელდება იგეგმება - ამის შესახებ, რეგიონული განვითარებისა და ინფრასტრუქტურის მინისტრმა დღეს გამრთულ, მეგზევის დღისადმი მიძღვნილ ღონისძიებაზე განაცხადა.     ზურაბ ალავიძემ მეგზევეებს პროფესიული დღე მიულოცა, საგზაო სექტორში დღეს არსებულ მიღწევებსა და სამომავლო გამოწვევებზე ისაუბრა. მინისტრმა გამოსვლისას, ხაზი გაუსვა სივრცითი მოწყობის გეგმის შესრულების...

ჯანდაცვის სამინისტრო მაღალმთიან სოფლებში სამედიცინო მომსახურების პრობლემას უარყოფს

person access_time2017-12-18 17:30:41
„მაღალმთიან რეგიონებში პირველადი სამედიცინო დახმარების მინიმალური სტანდარტები საკმარისია, როგორც პაციენტის დიაგნოსტიკისთვის, ასევე პირველადი სამედიცინო დახმარებისთვის“, - ასე ეხმაურება „კომერსანტთან“ საუბრისას, მაღალმთიან რეგიონებში არსებულ პირველად სამედიცინო დახმარებასთან დაკავშირებულ პრობლემას ჯანდაცვის დეპარტამენტის პოლიტიკის სამმართველოს უფროსი ქეთევან გოგინაშვილი.    მაღალმთიან სოფლებში პირველადი...


მსგავსი სიახლეები