Ballroom-ი - ქართული გართობის ახლებური კონცეფცია თბილისის ცენტრში

access_time2018-01-12 18:30:20

Ballroom-ი 100%-ით ქართული ბრენდია, რომელიც 30 ნოემბერს „გალერია თბილისის“ გახსნასთან ერთად სრული დატვირთვით მუშაობს. სივრცე სამი სახის გასართობ სერვისს  - კინოთეატრს, ბოულინგ ცენტრს და ლაუნჯ-ბარს აერთიანებს.

 

როგორც „კომერსანტთან“ საუბრისას Ballroom-ის გენერალური მენეჯერი გიორგი მურჯიკნელი აცხადებს, აღნიშნულ სერვისებზე ჯავშნების მიღება დილის საათებიდან იწყება და საღამომდე სრული დატვირთვით ვმუშაობთ.

 

 

-თქვენი სახით ბაზარზე სრულიად განსხვავებული კონცეფციის მქონე გასართობი სივრცე გამოჩნდა. მას შემდგომ, რაც „გალერია თბილისი“ გაიხსნა Ballroom-ის მიმართ ინტერესი დიდია. უამბეთ „კომერსანტის“ მკითხველებს ახალი ბრენდის შესახებ...

 

-Ballroom 100%-ით ქართული ბრენდია და ის „რუსთაველი ჰოლდინგის“ იგივე „კავეა გალერიას“ ერთ-ერთი ახალი მიმართულებაა. ჩვენ „გალერია თბილისის“ მეხუთე სართული სრულად გვაქვს ათვისებული. მსგავსი პროექტი ჩვენი კომპანიისთვის პირველია, რადგან ის ძირითადად კინოთეატრის მიმართულებით ვითარდებოდა. რა თქმა უნდა, მსოფლიო მასშტაბით ბევრი მსგავსი კომბინირებული გასართობი სივრცე არსებობს, თუმცა რაც შეეხება ბოულინგ ცენტრს, ეს იდეა ჩვენ გვეკუთვნის და საქართველოში ის პირველია.


Ballroom-ში განთავსებულია ბოულინგ დარბაზი, ლაუნჯ-ბარი და კინოთეატრი „კავეა სინემა“. ეს ყველაფერი კი აქ მოსულ სტუმარს სრულ კომპფორტს უქმნის.  

  

- რამდენ ადამიანს იტევს „გალერია თბილისის“ მეხუთე სართულზე განთავსებული კომბინირებული სივრცე? ასევე როგორი საფასო პოლიტიკა აქვს ბრენდს?

 

-Ballroom-ში სულ 75 ადამიანი ეტევა. 27-დან 30-მდე ბოულინგის დარბაზში, ხოლო  ლაუნჯ-ბარში 45 ადამიანი განთავსდება. რაც შეეხება კინოთეატრს, „კავეა სინემა“ სულ 600 სტუმარს იტევს და სულ 6 დარბაზია. ჩვენი სივრცე თანამედროვე ტექნოლოგიებითაა აღჭურვილი. ბოულინგის დარბაზში სულ შვიდი ბილიკია და თითოეულ მათგანზე ოთხი ადამიანი თამაშობს.


ჩვენთან სხვა ბრენდებთან შედარებით საფასო პოლიტიკა შედარებით მაღალია, რადგან ძირითადი აქცენტი ხარისხზე გვაქვს გაკეთებული, შესაბამისად, ფასი ხარისხს განსაზღვრავს.


 

-როგორც თქვენ აღნიშნეთ, ქართველ მომხმარებელს სრულიად ახალ გასართობ სერვისს სთავაზობთ. რა ძირითადი ნიშა აქვს Ballroom-ს? ასევე რატომ შეარჩიეთ კონკრეტულად ეს სახელწოდება?

 

-ჩვენი ძირითადი ნიშა არის სწორედ ის, რომ მომხმარებელს სტანდარტულ, კონკრეტულ სერვისს არ ვთავაზობთ. ჩვენთან მოსულ სტუმარს გართობის თვალსაზრისით კომბინირებული მომსახურება ექნება. გასართობი ცენტრი ორიენტირებულია ოჯახებსა და მეგობრებზე.


რაც შეეხება სახელწოდებას, არ გვსურდა, რომ Ballroom-ს მხოლოდ ტიპიური გასართობი სივრცის სახე ჰქონოდა, ამიტომ ყველაფერს სადღესასწაულო ფორმა მივეცით და ეს აქ მოსვლისთანავე იგრძნობა. სახელწოდებაც სწორედ სივრცის კონცეფციიდან გამომდინარეობს.

 

სახელწოდება Ballroom-ი იმიტომ შევარჩიეთ, რომ  ჩვენთან გარდა ბოულინგის დარბაზისა და კინოთეატრისა, ლაუნჯ-ბარში შეგიძლიათ დააგემოვნოთ, როგორც ამერიკული, ისე მექსიკური სამზარეულო. ასევე გადაიხადოთ დაბადების დღეები და დაგეგმოთ სხვადასხვა სახის ღონისძიება.  


 

 

-როგორც ზემოთ აღვნიშნეთ „გალერია თბილისის“ ბოლო სართულზე განლაგებულმა სივრცემ საკმაოდ დიდი ინტერესი გამოიწვია საზოგადოებაში. ამ ეტაპზე Ballroom-ზე მოთხოვნა რამდენად დიდია და რით უწევთ ის კონკურენციას სხვა უკვე არსებულ ბოულინგის დარბაზებს?

 

-ჩვენთან ჯავშნების მიღება დილის საათებიდან იწყება და საღამომდე სრული დატვირთვით ვმუშაობთ. ამ ეტაპისთვის ჩვენი ცნობადობა უკვე საკმაოდ მაღალია.


რაც შეეხება კონკურენციას ვთვლი, რომ ბოულინგის მიმართულებით ხარისხის თვალსაზრისით უმაღლეს საერთაშორისო სტანდარტებს ვაკმაყოფილებთ. სწორედ უმაღლესი პრემიუმ სტანდარტი და სასიამოვნო დიზაინი განსხაზღვრავს ხარისხს.

 

 


-საკმაოდ ამბიციური წამოწყებაა და ვფიქრობ, სამომავლოდაც გააგრძელებთ გეგმების განხორციელებას. როგორია Ballroom-ის სამომავლო გეგმები?

 

-გაზაფხულის დასაწყისში Ballroom-ის ტერასაც გაიხსნება და ის 70-80 ადამიანს დაიტევს. კომპანია ზრდაზე და განვითარებაზეა ორიენტირებული. გაფართოვება მომდევნო ექვს თვეში იგეგმება.


ჩვენი ქსელები იქნება დიდ ქალაქებში, განსაკუთრებულ ყურადღებას კი სამთო-საზღვაო კურორტებს დავუთმობთ.


ავტორი: ლიკა გურაბანიძე



„კომერსანტის“ შეკითხვა საქართველოს პარლამენტის წევრებს!

person access_time2018-01-18 19:00:52
მედიაჰოლდინგი „კომერსანტი“ საკანონმდებლო ორგანოს წარმომადგენლებს შეკითხვით მიმართავს. ხელისუფლებაში მეორე ვადით მოსული მმართველი პარტიის მთავარი ლოზუნგი „კეთილდღეობა და სწრაფი განვითარებაა“. ამ ფონზე კი გადახდისუუნარო მოსახლეობის რიცხვი წლიდან წლამდე მატულობს. საქართველოს მოსახლეობის 6,3% გადახდისუუნაროა. აღსრულების ეროვნული ბიუროს მონაცემებით, ბაზაში ჩანაწერების რაოდენობამ უკვე 234 ათასს გადააჭარბა, რაც თითქმის 4,7...

„ვაქცინები, რომლებიც დღეს არის საქართველოში არის მაღალხარისხიანი“ - დავით სერგეენკო ვაქცინაციაზე დამატებით განმარტებებს აკეთებს

person access_time2018-01-18 18:30:48
ჯანდაცვის მინისტრი დავით სერგეენკო ვაქცინაციასთან დაკავშირებით დამატებით განმარტებებს აკეთებს. როგორც მინისტრმა სპეციალურ პრესკონფერენციაზე განაცხადა, გავრცელებული ინფორმაცია, რომ იმუნიზაციის პროგრამით, სავარაუდოდ, ჯანმრთელობისთვის საფრთხისშემცველი 29 ათასი ვაქცინა გაიხარჯა, სიმართლეს არ შეესაბამება. „გავრცელებული ინფორმაცია არ შეესაბამება სიმართლეს. სიმართლეს არ შეესაბამება არცერთი პუნქტი. პირველი, რომ ეს პრობლემა ვრცელდებოდა მთლიანად იმუნიზაციის...

მსესხებლის გარდაცვალების შემთხვევაში შესაძლოა, მისი სამართალმემკვიდრე მოიძებნოს

person access_time2018-01-18 17:24:15
იმ შემთხვევაში, თუ სესხის ამღები პირი გარდაიცვალა, სესხის ამომღებ კომპანიას ამ სესხის მოთხოვნის უფლება აქვს, – განაცხადა პრობლემური აქტივების ბიუროს დირექტორმა, ლაშა ნოზაძემ პირველი არხის გადაცემაში „აქტუალური თემა მაკა ცინცაძესთან ერთად“. „ასეთ შემთხვევაში შესაძლოა, გარდაცვლილი პირის სამართალმემკვიდრე მოიძებნოს, რაც სამართალდარღვევა არ არის“, – განაცხადა ლაშა ნოზაძემ. მისივე თქმით, თუ ონლაინსესხების კომპანია კონკრეტული მომხმარებლის წინააღმდეგ...

CNNMoney: 2018 მსოფლიოსთვის უარესი იქნება

person access_time2018-01-18 20:00:41
მსოფლიო ეკონომიკურ ფორუმზე გამოკითხული ექსპერტების 90%-ზე მეტი აცხადებს, რომ 2018 წელს მსოფლიოს წამყვან ძალებს შორის პოლიტიკური და ეკონომიკური კონფრონტაცია კიდევ უფრო გამწვავდება. 80%-ის აზრით, მიმდინარე წელს გაზრდილია ომის შანსები. მთავარ პრობლემებს შორის ექსპერტები პოლიტიკურ დაძაბულობას, პროტექციონიზმს, გარემოს დაცვის მიმართულებით დეგრადაციასა და კიბერთავდასხმებს ასახელებენ. „საერთაშორისო ბაზრების მოცულობა იზრდება, ეკონომიკა ცუდ მდგომარეობაში არაა. თუმცა მოქალაქეები...

„მიწის ნაკვეთის ნაწილი პლიაჟის და ტბორის ტერიტორიაა“ - ქონების მართვის სააგენტო ფოთში საინვესტიციო პროექტის შეჩერების მიზეზებზე

person access_time2018-01-19 10:00:47
ფოთში მსხვილი საინვესტიციო პროექტი გაჩერების მიზეზებს ფოთის მერიის შემდეგ „კომერსანტთან“ სახელმწიფო ქონების ეროვნული სააგენტოც განმარტავს. საუბარია, შპს „არიკ დეველომენტის“ მიერ ფოთში 5 მაღალი კლასის სასტუმროს მშენებლობაზე. როგორც „კომერსანტს“ სააგენტოდან აცნობეს, აღნიშნული პროექტზე უარის თქმის რამდენიმე მიზეზი არსებობდა, მათ შორის, მთავარი ისაა, რომ ტერიტორია ლანდშაფტურ-სარეკრეაციო ზონაში მდებარეობს. როგორც სააგენტოში აცხადებენ, სახელმწიფო ქონების ეროვნული სააგენტო...


მსგავსი სიახლეები