ფაროსანასთან ბრძოლა ქართულად - „ტექნიკურ უნივერსიტეტში შექმნილი ბიოპრეპარატი სახელმწიფოს ათჯერ იაფი დაუჯდება“

access_time2018-01-11 14:30:28

საქართველოს ტექნიკური უნივერსიტეტის აგრარული მეცნიერებისა და ბიოსისტემების ინჟინერინგის ფაკულტეტმა და ბიოტექნოლოგიების ცენტრმა აზიური ფაროსანას საწინააღმდეგო ბიოპრეპარატი შექმნაროგორც პროფესორი არჩილ ჭირაქაძე „კომერსანტთან“ საუბრისას განმარტავს, პრეპარატის ეფექტურობა დაახლოებით 90%-ია.


„შევქმენით ბიოპრეპარატი პირობითი სახელით #6. სუფთა მცენარეული წარმოშობის პრეპარატია, რომელშიც სინთეტიკური ჯგუფები არ არის. ბუნებაში არის ბევრი მცენარე, რომელსაც აზიური ფაროსანა არ ეკარება და სწორედ ამ მცენარეებიდან ამოღებული ექსტრაქტებით  დამზადდა. ლაბორატორიულ პირობეში გამოვცადეთ და ფაროსანას ლეტალობა იმ პრეპარატის (ბიფენტრინი) ლეტალობას გაუტოლდა, რომლითაც ფაროსანას ებრძვიან. ჩვენი ბიოპრეპარატი ეფექტიანობა 90%-ია. იგი გამოიყენება, როგორც პრევენციის მიზნით, ასევე სამკურნალოდ. სანამ ფაროსანა გააქტიურდება, მანამდე მისი გამოყენება უფრო ეფექტიანია“, - აცხადებს ჭირაქაძე.


მისივე თქმით, იმ შემთხვევაში, თუ აღნიშნული ბიოპრეპარატის გამოყენება მოხდა, სახელმწიფოს ხარჯები აზიური ფაროსანას წინააღმდეგ საბრძოლველად მნიშვნელოვნად შემცირდება: „გარდა ამისა, ეს იქნება ეფექტური საშუალება და საჭირო არ გახდება, მისი განმეორებით მოხმარება“, - აღნიშნავს ჭირაქაძე.


ჭირაქაძის  ინფორმაციით, პრეპარატის შექმნის იდეა წლებია აქვთ, თუმცა სახელმწიფო დონეზე მეცნიერთა წინადადებებს ამ დრომდე არ განიხილავდნენ. ამ ეტაპზე კი სოფლის მეურნეობის სამინისტრო სამეცნიერო წრეებთან აქტიურ შეხვედრებს მართავს.


არჩილ ჭირაქაძის თქმით, იმედი აქვთ, რომ ამჯერად სახელმწიფო დონეზე განიხილავენ მათ წინადადებას, წინააღმდეგ შემთხვევაში კი სხვა ზომებს მიმართავენ.  



„სამინისტროსთან ხშირად ვურთიერთობთ. თითქმის სამი წლის განმავლობაში ჩვენი აზრი, როგორც სამინისტროში, ასევე სურსათის ეროვნულ სააგენტოში არ გაითვალისწინეს. ჩვენს წინადადებებს გამოძახილი არ ჰქონია. ბოლო პერიოდში კი მინისტრის მოადგილეს იური ნოზაძეს შევხვდით და იმედი გაგვიჩნდა, რომ სამინისტროს მხრიდან ახლა მაინც იქნება ინტერესი. წინადადებებს კვლავ მივაწოდებთ და გვგონია, რომ გაამართლებს. თუ ისევ არ წამოვიდა მათგან პასუხი, უკვე სხვა ზომებს მივმართავთ, მათ შორის საერთაშორისო ორგანიზაციებს“, - აცხადებს არჩილ ჭირაქაძე.


მისივე თქმით, პრეპარატი ჯერ გაყიდვაში არ არის, სანამ არ დარეგისტრირდება: „სახელმწიფოსგან შემდგომ ნაბიჯებს ველოდებით და იმედი გვაქვს, დაფინანსებას მივიღებთ, წარმოებამდე და გაყიდვამდე რომ მივიდეთ“, - აღნიშნავს ჭირაქაძე.


შეგახსენებთ, რომ გასულ წელს აზიურმა ფაროსანამ სასოფლო-სამეურნეო კულტურებს, განსაკუთრებით თხილს და მანდარინს მნიშვნელოვანი ზარალი მიაყენა. 2016 წელს მავნებელმა მეთხილეობის დარგს 50-60 მილიონი ლარით დააზარალა, გასული წლის დაზუსტებული მონაცემები კი ჯერჯერობით არ არსებობს.


რაც შეეხება მომავალ წელს, სოფლის მეურნეობის მინისტრის ლევან დავითაშვილის ინფორმაციით, 2018 წელს აზიური ფაროსანას საწინააღმდეგოდ მილიონ ჰექტრამდე ფართობი შეიწამლება. საერთო ჯამში კი, მომავალ წელს მავნებლის საწინააღმდეგოდ სახელმწიფო ბიუჯეტიდან 49 მილიონი ლარი გამოიყოფა, რომელიც შესაწამლი პრეპარატებისა და შესაბამისი ტექნიკის შეძენას უნდა მოხმარდეს.


ამასთან, მინისტრის ინფორმაციით, აზიურ ფაროსანასთან ბრძოლის მეთოდების შემუშავების პროცესში, სამინისტრო მზად არის მომავალშიც ითანამშრომლოს ყველა კომპეტენტურ მხარესთან, მათ შორის, როგორც ქართველ, ასევე უცხოელ მეცნიერებთან. სამინისტროს სამეცნიერო-კვლევით ცენტრში შექმნილია სამუშაო-საკონსულტაციო ჯგუფი და უწყება მზად არის, წარმოდგენის შემთხვევაში განიხილოს ახალი წინადადებები მავნებელთან ბრძოლის მეთოდების შესახებ.


ავტორი: თეონა კენჭიაშვილი




„კომერსანტის“ შეკითხვა საქართველოს პარლამენტის წევრებს!

person access_time2018-01-18 19:00:52
მედიაჰოლდინგი „კომერსანტი“ საკანონმდებლო ორგანოს წარმომადგენლებს შეკითხვით მიმართავს. ხელისუფლებაში მეორე ვადით მოსული მმართველი პარტიის მთავარი ლოზუნგი „კეთილდღეობა და სწრაფი განვითარებაა“. ამ ფონზე კი გადახდისუუნარო მოსახლეობის რიცხვი წლიდან წლამდე მატულობს. საქართველოს მოსახლეობის 6,3% გადახდისუუნაროა. აღსრულების ეროვნული ბიუროს მონაცემებით, ბაზაში ჩანაწერების რაოდენობამ უკვე 234 ათასს გადააჭარბა, რაც თითქმის 4,7...

„ვაქცინები, რომლებიც დღეს არის საქართველოში არის მაღალხარისხიანი“ - დავით სერგეენკო ვაქცინაციაზე დამატებით განმარტებებს აკეთებს

person access_time2018-01-18 18:30:48
ჯანდაცვის მინისტრი დავით სერგეენკო ვაქცინაციასთან დაკავშირებით დამატებით განმარტებებს აკეთებს. როგორც მინისტრმა სპეციალურ პრესკონფერენციაზე განაცხადა, გავრცელებული ინფორმაცია, რომ იმუნიზაციის პროგრამით, სავარაუდოდ, ჯანმრთელობისთვის საფრთხისშემცველი 29 ათასი ვაქცინა გაიხარჯა, სიმართლეს არ შეესაბამება. „გავრცელებული ინფორმაცია არ შეესაბამება სიმართლეს. სიმართლეს არ შეესაბამება არცერთი პუნქტი. პირველი, რომ ეს პრობლემა ვრცელდებოდა მთლიანად იმუნიზაციის...

მსესხებლის გარდაცვალების შემთხვევაში შესაძლოა, მისი სამართალმემკვიდრე მოიძებნოს

person access_time2018-01-18 17:24:15
იმ შემთხვევაში, თუ სესხის ამღები პირი გარდაიცვალა, სესხის ამომღებ კომპანიას ამ სესხის მოთხოვნის უფლება აქვს, – განაცხადა პრობლემური აქტივების ბიუროს დირექტორმა, ლაშა ნოზაძემ პირველი არხის გადაცემაში „აქტუალური თემა მაკა ცინცაძესთან ერთად“. „ასეთ შემთხვევაში შესაძლოა, გარდაცვლილი პირის სამართალმემკვიდრე მოიძებნოს, რაც სამართალდარღვევა არ არის“, – განაცხადა ლაშა ნოზაძემ. მისივე თქმით, თუ ონლაინსესხების კომპანია კონკრეტული მომხმარებლის წინააღმდეგ...

CNNMoney: 2018 მსოფლიოსთვის უარესი იქნება

person access_time2018-01-18 20:00:41
მსოფლიო ეკონომიკურ ფორუმზე გამოკითხული ექსპერტების 90%-ზე მეტი აცხადებს, რომ 2018 წელს მსოფლიოს წამყვან ძალებს შორის პოლიტიკური და ეკონომიკური კონფრონტაცია კიდევ უფრო გამწვავდება. 80%-ის აზრით, მიმდინარე წელს გაზრდილია ომის შანსები. მთავარ პრობლემებს შორის ექსპერტები პოლიტიკურ დაძაბულობას, პროტექციონიზმს, გარემოს დაცვის მიმართულებით დეგრადაციასა და კიბერთავდასხმებს ასახელებენ. „საერთაშორისო ბაზრების მოცულობა იზრდება, ეკონომიკა ცუდ მდგომარეობაში არაა. თუმცა მოქალაქეები...

„მიწის ნაკვეთის ნაწილი პლიაჟის და ტბორის ტერიტორიაა“ - ქონების მართვის სააგენტო ფოთში საინვესტიციო პროექტის შეჩერების მიზეზებზე

person access_time2018-01-19 10:00:47
ფოთში მსხვილი საინვესტიციო პროექტი გაჩერების მიზეზებს ფოთის მერიის შემდეგ „კომერსანტთან“ სახელმწიფო ქონების ეროვნული სააგენტოც განმარტავს. საუბარია, შპს „არიკ დეველომენტის“ მიერ ფოთში 5 მაღალი კლასის სასტუმროს მშენებლობაზე. როგორც „კომერსანტს“ სააგენტოდან აცნობეს, აღნიშნული პროექტზე უარის თქმის რამდენიმე მიზეზი არსებობდა, მათ შორის, მთავარი ისაა, რომ ტერიტორია ლანდშაფტურ-სარეკრეაციო ზონაში მდებარეობს. როგორც სააგენტოში აცხადებენ, სახელმწიფო ქონების ეროვნული სააგენტო...


მსგავსი სიახლეები