Gem Fest-ის ორგანიზატორებს ფესტივალის ჩასატარებლად მიწის გადაცემის და დაფინანსების თაობაზე ეკონომიკის სამინისტროსთვის არ მიუმართავთ

access_time2018-01-12 18:05:40

Gem Fest-ის ორგანიზატორებმა 2018 წელს განმუხურში ფესტივალის ჩატარება კვლავ დააანონსეს და ბილეთების გაყიდვა უკვე დაიწყეს, თუმცა ქონების ეროვნულ სააგენტოში აცხადებენ, რომ განმუხურსა და ანაკლიაში მიწის გადაცემასთან დაკავშირებით არანაირი წარმოება არ მიმდინარეობს.



როგორც „ინტერპრესნიუსს“ საქართველოს ეკონომიკისა და მდგრადი განვითარების სამინისტროს სახელმწიფო ქონების ეროვნული სააგენტოს თავმჯდომარემ ეკატერინე სისაურმა განუცხადა, Gem Fest-ის ორგანიზატორებს განმუხურსა და ანაკლიაში მიწის გადაცემასთან დაკავშირებით სააგენტოსთვის არ მიუმართავს. 



„მოგეხსენებათ, რომ აღნიშნული ფესტივალი განმუხურის ტერიტორიაზე ტარდებოდა და დაახლოებით 28 ჰექტარზე იყო განთავსებული. აღნიშნული მიწის ნაკვეთი წარმოადგენს სახელმწიფო საკუთრებას და შესაბამისად, იმისთვის, რომ ფესტივალის ჩასატარებლად კონკრეტულმა სუბიექტმა სახელმწიფოსგან უფლება მოიპოვოს, მან უნდა მიმართოს სახელმწიფო ქონების ეროვნულ სააგენტოს განაცხადით, წარმოადგინოს შესაბამისი წინადადებები და პირობები და ჩვენ დავიწყებთ ადმინისტრაციულ წარმოებას“, - განაცხადა ეკატერინე სისაურმა.



კითხვაზე, ხომ არ შესულა ორგანიზატორებისგან განაცხადი სხვა ლოკაციასთან დაკავშირებით, Gem Fest-ის ჩატარების თაობაზე, ეკატერინე სისაურის განცხადებით, სააგენტოში არანაირი განაცხადი არ არის შესული არც ერთ ლოკაციაზე, მათ შორის, არც განმუხურში.




ამასთან, როგორც „ინტერპრესნიუსს“ ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ხელმძღვანელმა გიორგი ჩოგოვაძემ განუცხადა, ფესტივალის ორგანიზატორებს არც ტურიზმის ეროვნული ადმინისტრაციისთვის მიუმართავთ. 



„ჩვენი გაკვირვება გამოიწვია იმ ფაქტმა, რომ ბილეთების გაყიდვა დაიწყო იმ ფონზე, როდესაც ფესტივალის ორგანიზატორებს არ მიუმართავს ფართის მფლობელისთვის - ეკონომიკის სამინისტროსთვის მიწის გამოყოფასთან დაკავშირებით. შესაბამისად, ფესტივალის ბილეთების გაყიდვა ამ კუთხითაც ნაადრევად გვეჩვენება, როდესაც არ არის გარკვეული ტერიტორიაზე შესვლის ნებართვა. ამავდროულად, როგორც მათ არ მიუმართავთ ჩვენი კოლეგებისთვის ფართის ნაწილში, ასევე არც ჩვენთვის არ მოუმართავთ საორგანიზაციო, სარეკლამო, ან რაიმე ტიპის ფინანსურ დახმარებაზე. არანაირი კომუნიკაცია საორგანიზაციო ჯგუფთან არ ყოფილა და შესაბამისად, არანაირი მხარდაჭერ ან დახმარება ჩვენი მხრიდან განსაზღვრული არ არის“, - განაცხადა გიორგი ჩოგოვაძემ.



GEM Fest 2018-ის ბილეთების გაყიდვა უკვე დაწყებულია. როგორც tkt.ge-ზე განთავსებულ ინფორმაციაშია ნათქვამი, ფესტივალი სოფელ განმუხურში ახალ ფორმატში ჩატარდება და 4 დღის - 9-დან 12 აგვისტოს ჩათვლით გაგრძელდება.



„კომერსანტის“ შეკითხვა საქართველოს პარლამენტის წევრებს!

person access_time2018-01-18 19:00:52
მედიაჰოლდინგი „კომერსანტი“ საკანონმდებლო ორგანოს წარმომადგენლებს შეკითხვით მიმართავს. ხელისუფლებაში მეორე ვადით მოსული მმართველი პარტიის მთავარი ლოზუნგი „კეთილდღეობა და სწრაფი განვითარებაა“. ამ ფონზე კი გადახდისუუნარო მოსახლეობის რიცხვი წლიდან წლამდე მატულობს. საქართველოს მოსახლეობის 6,3% გადახდისუუნაროა. აღსრულების ეროვნული ბიუროს მონაცემებით, ბაზაში ჩანაწერების რაოდენობამ უკვე 234 ათასს გადააჭარბა, რაც თითქმის 4,7...

„ვაქცინები, რომლებიც დღეს არის საქართველოში არის მაღალხარისხიანი“ - დავით სერგეენკო ვაქცინაციაზე დამატებით განმარტებებს აკეთებს

person access_time2018-01-18 18:30:48
ჯანდაცვის მინისტრი დავით სერგეენკო ვაქცინაციასთან დაკავშირებით დამატებით განმარტებებს აკეთებს. როგორც მინისტრმა სპეციალურ პრესკონფერენციაზე განაცხადა, გავრცელებული ინფორმაცია, რომ იმუნიზაციის პროგრამით, სავარაუდოდ, ჯანმრთელობისთვის საფრთხისშემცველი 29 ათასი ვაქცინა გაიხარჯა, სიმართლეს არ შეესაბამება. „გავრცელებული ინფორმაცია არ შეესაბამება სიმართლეს. სიმართლეს არ შეესაბამება არცერთი პუნქტი. პირველი, რომ ეს პრობლემა ვრცელდებოდა მთლიანად იმუნიზაციის...

მსესხებლის გარდაცვალების შემთხვევაში შესაძლოა, მისი სამართალმემკვიდრე მოიძებნოს

person access_time2018-01-18 17:24:15
იმ შემთხვევაში, თუ სესხის ამღები პირი გარდაიცვალა, სესხის ამომღებ კომპანიას ამ სესხის მოთხოვნის უფლება აქვს, – განაცხადა პრობლემური აქტივების ბიუროს დირექტორმა, ლაშა ნოზაძემ პირველი არხის გადაცემაში „აქტუალური თემა მაკა ცინცაძესთან ერთად“. „ასეთ შემთხვევაში შესაძლოა, გარდაცვლილი პირის სამართალმემკვიდრე მოიძებნოს, რაც სამართალდარღვევა არ არის“, – განაცხადა ლაშა ნოზაძემ. მისივე თქმით, თუ ონლაინსესხების კომპანია კონკრეტული მომხმარებლის წინააღმდეგ...

CNNMoney: 2018 მსოფლიოსთვის უარესი იქნება

person access_time2018-01-18 20:00:41
მსოფლიო ეკონომიკურ ფორუმზე გამოკითხული ექსპერტების 90%-ზე მეტი აცხადებს, რომ 2018 წელს მსოფლიოს წამყვან ძალებს შორის პოლიტიკური და ეკონომიკური კონფრონტაცია კიდევ უფრო გამწვავდება. 80%-ის აზრით, მიმდინარე წელს გაზრდილია ომის შანსები. მთავარ პრობლემებს შორის ექსპერტები პოლიტიკურ დაძაბულობას, პროტექციონიზმს, გარემოს დაცვის მიმართულებით დეგრადაციასა და კიბერთავდასხმებს ასახელებენ. „საერთაშორისო ბაზრების მოცულობა იზრდება, ეკონომიკა ცუდ მდგომარეობაში არაა. თუმცა მოქალაქეები...

„მიწის ნაკვეთის ნაწილი პლიაჟის და ტბორის ტერიტორიაა“ - ქონების მართვის სააგენტო ფოთში საინვესტიციო პროექტის შეჩერების მიზეზებზე

person access_time2018-01-19 10:00:47
ფოთში მსხვილი საინვესტიციო პროექტი გაჩერების მიზეზებს ფოთის მერიის შემდეგ „კომერსანტთან“ სახელმწიფო ქონების ეროვნული სააგენტოც განმარტავს. საუბარია, შპს „არიკ დეველომენტის“ მიერ ფოთში 5 მაღალი კლასის სასტუმროს მშენებლობაზე. როგორც „კომერსანტს“ სააგენტოდან აცნობეს, აღნიშნული პროექტზე უარის თქმის რამდენიმე მიზეზი არსებობდა, მათ შორის, მთავარი ისაა, რომ ტერიტორია ლანდშაფტურ-სარეკრეაციო ზონაში მდებარეობს. როგორც სააგენტოში აცხადებენ, სახელმწიფო ქონების ეროვნული სააგენტო...


მსგავსი სიახლეები