მოსახლეობა ყოველწლიურად ნახევარი მილიარდი ლარის ქონებას კარგავს

access_time2018-02-13 20:00:55

სხვადასხვა საფინანსო კომპანიისა და კერძო პირების მიერ დასაკუთრებული ქონება ყოველ წელს ასეულობით მილიონ ლარს აღწევს. მხოლოდ კომერციული ბანკების მიერ დასაკუთრებული ქონების წილი, ბოლო მონაცემის მიხედვით, 210 მლნ ლარს გაუტოლდა.

 

როგორც გაზეთი „რეზონანსი” წერს, მიკროსაფინანსოები და მევახშეები, ჯამში, გაცილებით მეტი ქონების რეალიზებას ახდენენ, ბოლო წლებში მინიმუმ 2/3-ს ისინი ისაკუთრებენ. აქედან გამომდინარე, შეიძლება ითქვას, რომ 2017 წელს სხვადასხვა ფინანსური ჯგუფის მიერ დასაკუთრებული ქონების მოცულობა ნახევარი მილიარდი ლარის ფარგლებში იქნებოდა.

 

ბანკების ანგარიშგებების მიხედვით, 2017 წლის მე-4 კვარტალის მონაცემებით, დასაკუთრებული უძრავი და მოძრავი ქონების მოცულობამ 209 192 767 ლარი შეადგინა. ყველაზე დიდი მოცულობის ქონება “საქართველოს ბანკის” ანგარიშზე ირიცხება. 2017 წლის მე-4 კვარტალის მონაცემებით, ბანკის მიერ დასაკუთრებული ქონების მოცულობა 94,9 მლნ ლარს შეადგენს. მეორე ადგილზე – 58,5 მლნ ლარით არის “თიბისი ბანკი”. სამეულში შედის “ბანკი ქართუ”, რომლის ანგარიშზეც 31,8 მლნ ლარის დასაკუთრებული უძრავი და მოძრავი ქონებაა.

 

დანარჩენი ბანკების მიერ დასაკუთრებული უძრავ-მოძრავი ქონების მაჩვენებლი კი ასე გამოიყურება: “ვითიბი ბანკი” – 9 621 861 ლარი, “ტერა ბანკი” – 5 922 476 ლარი, “ბაზისბანკი” – 5 440 010 ლარი, “სილქ როუდ ბანკი” – 1 159 039 ლარი, “აზერბაიჯანის საერთაშორისო ბანკი – საქართველო” – 600 000 ლარი, “ბანკი კრედო” – 357 866 ლარი, “ხალიკ-ბანკი საქართველო” – 310 450 ლარი.

 

მდგომარეობა სულ უფრო უკონტროლო ხდება, რადგან წლიდან წლამდე ბანკების, სხვა საფინანსო ორგანიზაციების ან თუნდაც კერძო მევახშეების მიერ დასაკუთრებული ქონების წილი მკვეთრად იზრდება. მონაცემები, რომლებსაც ორგანიზაცია “საზოგადოება და ბანკები” აქვეყნებს, შემდეგი სახისაა: 2011 წლიდან 2016 წლის ჩათვლით, სსიპ “აღსრულების ეროვნული ბიუროს” მიერ სულ რეალიზებულია 11 796 უძრავი ქონება, 2014 წელს – 1343 ერთეული, 2015-ში – 1 410-მდე. 2016 წელს აუქციონის წესით რეალიზებული უძრავი ქონება 359-ით გაიაზარდა და 1 769 შეადგინა. კონკრეტულად 2016 წელს რეალიზებული უძრავი ქონებიდან კომერციულ ბანკებზე 454 (25.7%) მოდიოდა. 337 შემთხვევაში კრედიტორი მიკროსაფინანსო ორგანიზაცია იყო, რაც საერთო რაოდენობის 19%-ის ტოლია. 978 შემთხვევაში კრედიტორებს კერძო მევახშეები და იურიდიული პირები წარმოადგენენ, რაც მთლიანი რაოდენობის 55.3%-ია.


 

2016 წლის ტენდენციისგან დიდად არ განსხვავდებოდა შარშანდელი წელი. მართალია, ზუსტი საერთო მონაცემები ჯერ არ არსებობს, მაგრამ შეიძლება ითქვას, რომ შარშანაც იძულებით რეალიზებული ქონების ნახევარი კერძო მევახშეებმა მიისაკუთრეს, ხოლო დაახლოებით მეხუთედი – მიკროსაფინანსოებმა. შესაბამისად, თუკი მხოლოდ ბანკების მიერ დასაკუთრებული ქონების წილი 210 მლნ-ს აღწევდა, მსო-ები და მევახშეები ჯამში გაცილებით მეტი ქონების რეალიზებას მოახდნენდნენ, რადგან ბოლო წლებში მინიმუმ 2/3-ს ისინი ისაკუთრებენ. აქედან გამომდინარე, შეიძლება ითქვას, რომ 2017 წელს სხვადასხვა ფინანსური ჯგუფის დასაკუთრებული ქონების მოცულობა ნახევარი მილიარდი ლარის ფარგლებში იქნებოდა.

 

“საზოგადოება და ბანკების” დამფუძნებელმა გიორგი კეპულაძემ განაცხადა, რომ მსესხებელი იმიტომ მიდის კერძო მევახშესთან, მას სესხს არ უმტკიცებს არც ბანკი და არც მიკროსაფინანსო.

 

“ეს მაჩვენებელი დამოკიდებულია იმაზე, თუ რამდენად ითხოვენ კომერციული ბანკები და ასევე სხვა საფინანსო კომპანიები უძრავი ქონებით სესხის უზრუნველყოფას, რამდენად გავრცელებულია ასეთი მეთოდით მუშაობა. ჩვენ ყოველწლიურად ვიკვლევთ დასაკუთრებულ უძრავი ქონების მოცულობას (ოღონდ – აღსრულების ბიუროს მიერ აუქციონზე გაყიდულს) და იქ, როგორც წესი, ბანკებისა და მიკროსაფინანსო ორგანიზაციების წილი გაცილებით ნაკლებია, ვიდრე კერძო მევახშეებისა. ეს მათი ინტერესიდან მომდინარეობს. მევახშეები შეფასებული თანხის დაახლოებით 30-40%-ს გასცემენ სესხის სახით, ბანკმა კი შეიძლება, 80%-მდეც დააკრედიტოს. აქედან გამომდინარე, უნდა ვივარაუდოთ, რომ კერძო მევახშეთა დიდი ინტერესი მოდის უძრავ ქონებაზე.

 

რაც შეეხება მსესხებელს, ის იმიტომ მიდის მევახშესთან, რომ სესხს არ უმტკიცებს ბანკი და მიკროსაფინანსო. სხვა შემთხვევაში კერძო პირისგან ორმაგ ფასად იმავე პროდუქტს, რასაც საფინანსო სექტორი სთავაზობს, არავინ შეიძენდა. განსხვავებაა გადახდის მხრივაც, როდესაც ბანკებსა და მიკროსაფინანსოებში პროცენტთან ერთად ძირი თანხაც იფარება. კერძო გამსესხებელთან პროცენტის გადახდის შემთხვევაში ძირი უცვლელი რჩება”, – განუცხადა “ბიზნეს-რეზონანსს” კეპულაძემ.

 

ბანკების, საფინანსო ორგანიზაციებისა და კერძო მევახშეების მიერ დასაკუთრებული ქონების მიზეზად სოციალურ პრობლემებს ასახელებს ეკონომისტი ირაკლი ბერძენაძე. მისი თქმით, მსგავსი ტენდენცია მოსახლეობის გადახდისუუნარობის გამო იზრდება. კერძო მევახშეებისგან განსხვავებით, კომერციული ბანკებისთვის ქონებაზე მაღლა თანხით ანგარიშსწორება დგას.

 

წყარო: რეზონანსი



მერია „სითი პარკს“ სიურპრიზს უმზადებს

person access_time2018-02-19 08:50:27
დაახლოებით ერთ თვეში,თბილისის მერია „სითი პარკთან“ დაკავშირებით ახალ დეტალებს გაასაჯაროებს. „კომერსანტის“ მცდელობის მიუხედავად, მერიაში სიახლის დაკონკრეტებისაგან თავი შეიკავეს.  „ახლა „სითი პარკთან“ დაკავშირებით  გარკვეული მუშაობა მიმდინარეობს, სამუშაო პროცესია, ამიტომ წინასწარ ვერ გეტყვით დეტალებს. დაახლოებით ერთ თვეში საზოგადოებას შევატყობინებთ ახალ ინფორმაციას“, - განაცხადეს მერიაში. „კომერსანტი“ დამატებითი ინფორმაციისათვის „სითი პარკს“...

„ბიტკოინი: იყავი საკუთარი თავის ბანკი“ – უქმნის, თუ არა კრიპტოვალუტა ბანკებს საფრთხეს?

person access_time2018-02-18 20:00:02
“Bitcoin: Be your own bank“...

გერმანიის შს მინისტრი - თუ ვიზის დამრღვევთა რიცხვი გაიზრდება, ამ მექნიზმის ამოქმედებას დავიწყებთ, ყველაფერი საქართველოზეა დამოკიდებული

person access_time2018-02-18 09:05:44
თუ ვიზის დამრღვევთა რიცხვი გაიზრდება, შემდეგ ჩვენ ამ მექნიზმის ამოქმედებას დავიწყებთ . ასე, რომ ყველაფერი საქართველოზეა დამოკიდებული, - ამის შესახებ გერმანიის შინაგან საქმეთა მინისტრმა ტომაზ დე მაიზერმა ქართველ ჟურნალისტებს გერმანიაში განუცხადა. გერმანიის შინაგან საქმეთა მინისტრის განცხადებით, ის საქართველოს საგარეო საქმეთა მინისტრს მიხეილ ჯანელიძეს...

ელენ დეჯენერესი ბიტკოინზე: „ან მილიონერი გახდებით ან გაკოტრდებით“

person access_time2018-02-17 12:00:15
დღეს თითქმის ყველა ბიტკოინთან დაკავშირებით საუბრობს, თუმცა რა არის ბიტკოინი, ამისი ახსნა ბევრს გაუჭირდება. ცნობილმა ამერიკელმა ტელეწამყვანმა, ელენ დეჯენერესმა საბაზრო კაპიტალიზაციით უმსხვილეს კრიპტოვალუტასთან დაკავშირებით ისაუბრა და ზემოთაღნიშნულ გარემოებას გაუსვა ხაზი.   „ბიტკოინი წააგავს დამაბნეველი სცენარის მქონე ფილმს - თქვენი მეგობრები უყურებენ მას და არ იმჩნევენ, რომ ფილმში არაფერი არ ესმით. ამ დროს კი თქვენც ისეთი სახე გაქვთ, თითქოს ყველაფერი გაიგეთ,“-...

ბილ და მელინდა გეიტსები: „არასამართლიანია, რომ ასეთი მდიდრები ვართ“

person access_time2018-02-17 14:00:06
ბილ გეიტსი მსოფლიოში ყველაზე მდიდარი ადამიანების სიაში მეორე ადგილს იკავებს, რაც მას დიდ ძალაუფლებას ანიჭებს. იგი აღნიშნულ ძალაუფლებას ფილანტროპიული მიზნებისთვის იყენებს - 2000 წელს ბილ გეიტსმა მეუღლესთან, მელინდასთან ერთად „ბილ და მელინდა გეიტსების ფონდი“ დააარსა, რომლის მიზანსაც სიღარიბის, შიმშილის, უთანასწორობისა და დაავადებების წინააღმდეგ ბრძოლა წარმოადგენს.   ფონდის საქმიანობასთან დაკავშირებით, ბილ და მელინდა გეიტსებმა ხშირად დასმულ 10 შეკითხვას გასცეს პასუხი....


მსგავსი სიახლეები