საერთაშორისო სარეიტინგო სააგენტო Fitch Ratings-მა დაადასტურა ნავთობისა და ბუნებრივი აირის ფასების პროგნოზი 2024-2027 წლებში და საშუალოვადიანი პერსპექტივა საბაზო სცენარის ფარგლებში.
ერთადერთი გამონაკლისი იყო ბუნებრივი აირის ფასების შემცირება ამერიკულ Henry Hub – ში, რაც ასახავს კოტირებების ცვლილებებს 2024 წლის დასაწყისიდან. ანალოგიურად, მიმდინარე წლის ნავთობის ფასების მოლოდინი კორექტირებული იყო სტრესული სცენარის მიხედვით, Brent-ისა და WTI-ის მიმდინარე ფასებზე დაყრდნობით.
„OPEC+-ის მნიშვნელოვანი სარეზერვო სიმძლავრე, მზარდი მიწოდება და ზომიერი მოთხოვნის ზრდა შეინარჩუნებს Brent-ის ფასებს ბარელზე 80 დოლარამდე 2024 წელს, მიუხედავად გაზრდილი გეოპოლიტიკური რისკისა“, - აცხადებენ სააგენტოში.
Fitch-ის ანალიტიკოსები ელოდებიან, რომ ნავთობზე გლობალური მოთხოვნის ზრდა 2024 და 2025 წლებში 1 მილიონ ბარელზე დაბლა შენელდება ჩინეთში სუსტი მოხმარების და ასევე გლობალური ეკონომიკური ზრდის შეშფოთების გამო.
