საერთაშორისო სავალუტო ფონდი (IMF) გახსნის თავის პირველ ცენტრს ჩინეთში, რომელიც განთავსდება შანხაიში.
„შანხაიში რეგიონული ცენტრი იქმნება სავალუტო ფონდის ჩართულობის გასაძლიერებლად აზია-წყნარი ოკეანის რეგიონის (APR) საკითხებში“, - ამის შესახებ სავალუტო ფონდის განცხადებაშია ნათქვამი.
შანხაის ცენტრი იქნება კვლევის ხელშეწყობის ცენტრი და დაეხმარება საერთაშორისო სავალუტო ფონდის დიალოგის გაღრმავებას რეგიონის ქვეყნებთან, ასევე ფინანსურ ინსტიტუტებთან, აკადემიურ წრეებთან და კერძო სექტორთან, ნათქვამია პრესრელიზში.
ჩინეთის სახალხო ბანკმა (PBOC, ქვეყნის ცენტრალური ბანკი) მნიშვნელოვანი ფინანსური წვლილი შეიტანა შანხაიში საერთაშორისო სავალუტო ფონდის რეგიონული ცენტრის შექმნაში.
„დარწმუნებულნი ვართ, რომ ცენტრის გახსნა გააძლიერებს თანამშრომლობას საერთაშორისო სავალუტო ფონდსა და ჩინეთს შორის, გააღრმავებს მაკროეკონომიკური პოლიტიკის კოორდინაციას აზია-წყნარი ოკეანის ქვეყნებს შორის და ასევე მხარს დაუჭერს რეგიონულ და გლობალურ სტაბილურობას“, - განაცხადა PBOC-ის გუბერნატორმა პან გონშენგმა.
გასულ თვეში, საერთაშორისო სავალუტო ფონდმა 2024 წლისთვის ჩინეთის მშპ-ის ზრდის პროგნოზი 5%-მდე გაზარდა მანამდე მოსალოდნელი 4,6%-დან.
