საქართველოს კონკურენციის სააგენტოს თავმჯდომარე OECD-ის კონკურენციის განყოფილების ხელმძღვანელს შეხვდა

access_time2017-12-07 13:35:45

საქართველოს კონკურენციის სააგენტოს თავმჯდომარე, ნოდარ ხადური პარიზში, ეკონომიკური თანამშრომლობისა და განვითარების ორგანიზაციის (OECD) კონკურენციის გლობალური ფორუმის ფარგლებში, OECD-ის კონკურენციის განყოფილების ხელმძღვანელს, ანტონიო გომესს შეხვდა.

 

 

როგორც „კომერსანტს" კონკურენციის სააგენტოდან აცნობეს, შეხვედრაზე, საქართველოში კონკურენციის კანონმდებლობის სრულყოფის მიზნით, შემდეგი საკითხები განიხილეს: ევროკავშირის პროექტის მიერ მომზადებული საქართველოს კონკურენციის კანონში შესატანი ცვლილებების პროექტი; საქართველოს კონკურენციის სააგენტოს მიღწევები, გამოწვევები, ორმხრივი სამომავლო თანამშრომლობის პერსპექტივები და ა.შ.

 

 

OECD-ის წარმომადგენლების მიერ ყურადღება გამახვილდა საქართველოს კონკურენციის სააგენტოს ინსტიტუციური მოწყობის გაუმჯობესებისა და უფლებამოსილების ეფექტიანად განხორციელების მიზნით, აღსრულების მექანიზმების გაძლიერების აუცილებლობაზე.

 

 

ანტონიო გომესი ნოდარ ხადურის მოწვევას დათანხმდა და OECD-ის კონკურენციის განყოფილების ხელმძღვანელი 2018 წლის გაზაფხულზე სამუშაო ვიზიტით საქართველოს ეწვევა.

 

 

შეხვედრას ასევე ესწრებოდნენ - OECD-ის კონკურენციის განყოფილების უფროსი ექსპერტი, საბინა ზიგელსკი; ევროკავშირის პროექტის „საქართველოს კონკურენციის სააგენტოს მხარდაჭერა" ხელმძღვნელი, აურელიო ლა ტორე და მთავარი ეკონომიკური ექსპერტი, ფრანსუა სუტი; ლიტვის კონკურენციის საბჭოს თავმჯდომარე, შარუნას კესერაუსკასი, საქართველოს კონკურენციის სააგენტოს იურიდიული დეპარტამენტის უფროსი, სოფიო მომცელიძე და კონკურენციის შემზღუდველი შეთანხმებების გამოვლენისა და აღკვეთის სამმართველოს უფროსი, ნიკა სერგია.

 

 

საქართველოს კონკურენციის სააგენტოს თავმჯდომარე 7-8 დეკემბერს, პარიზში, OECD-ის კონკურენციის გლობალური ფორუმის მე-16 შეხვედრაში მონაწილეობს, რომელსაც სხვადასხვა ქვეყნის კონკურენციის უწყების მაღალი რანგის პირები და ექსპერტები ესწრებიან. კონკურენციის სააგენტოს ინფორმაციით, ვიზიტის ფარგლებში, დაგეგმილია ნოდარ ხადურის ორმხრივი შეხვედრები.

 

 

 

 



მომგებიანი ბანკების რეიტინგი – 16-დან 15 მოგებაზეა

person access_time2017-12-18 19:30:37
1 დეკემბრისთვის 16-დან 15 მოგებაზეა და 90% 5 ბანკზე მოდის (L/Y – 13; 87%). ყველაზე მეტი მოგება საქართველოს ბანკს აქვს, 2016 წელს მოგების მაჩვენებლით პირველ ადგილზე თიბისი ბანკი იყო.                                                                        ...

Reuters: ევროკავშირი ბიტკოინთან დაკავშირებით ზომების გამკაცრებას აპირებს

person access_time2017-12-18 20:00:04
ევროკავშირის წევრი ქვეყნების გადაწყვეტილებით, ბიტკოინითა და სხვა კრიპტოვალუტებით მიმდინარე ფულის გათეთრებისა და ტერორიზმის დაფინანსების აღსაკვეთად, ზომების გამკაცრება იგეგმება. Reuters-ის ინფორმაციით, ახალი წესის ამოქმედების შემდეგ ადამიანები წინასწარი გადახდის ბარათებით ანონიმური გადარიცხვების წარმოებას ვეღარ შეძლებენ. „დღევანდელი გადაწყვეტილებით, გადახდები გახდება უფრო მეტად გამჭვირვალე, რაც ხელს შეუწყობს ფულის გათეთრებისა და ტერორიზმის დაფინანსების პრევენციას,“...

ზვიად ციკოლია თვითმფრინავის პრეზენტაციას იანვარში გამართავს

person access_time2017-12-18 16:00:06
როგორ აქცია რეალობად ლუდის სმის დროს დაბადებული იდეა ზვიად ციკოლიამ დიზაინერმა ზვიად ციკოლიამ პირველი ქართული თვითმფრინავი შექმნა. ერთადგილიანი თვითმფრინავის შექმნის იდეა მეგობრებს რამდენიმე წლის წინ გაუჩნდათ, თუმცა ფინანსების არქონის გამო მისი განხორციელება აქამდე ვერ მოხერხდა. რამდენიმე დღეში კი პატარა, ლაჟვარდისფერი თვითმფრინავის პრეზენტაცია მალე შედგება – მას ციკოლიამ „ლიზი” უწოდა, თავისი პატარა ძმისშვილის...

ზურაბ ალავიძე: 2018-2020 წლებში საგზაო ინფრასტრუქტურაში 4,5 მილიარდი ლარის ღირებულების პროექტები განხორციელდება

person access_time2017-12-18 15:00:28
2018-2020 წლებში საგზაო ინფრასტრუქტურის მიმართულებით 4, 5 მილიარდი ლარის ღირებულების პროექტები განხორციელდება იგეგმება - ამის შესახებ, რეგიონული განვითარებისა და ინფრასტრუქტურის მინისტრმა დღეს გამრთულ, მეგზევის დღისადმი მიძღვნილ ღონისძიებაზე განაცხადა.     ზურაბ ალავიძემ მეგზევეებს პროფესიული დღე მიულოცა, საგზაო სექტორში დღეს არსებულ მიღწევებსა და სამომავლო გამოწვევებზე ისაუბრა. მინისტრმა გამოსვლისას, ხაზი გაუსვა სივრცითი მოწყობის გეგმის შესრულების...

ჯანდაცვის სამინისტრო მაღალმთიან სოფლებში სამედიცინო მომსახურების პრობლემას უარყოფს

person access_time2017-12-18 17:30:41
„მაღალმთიან რეგიონებში პირველადი სამედიცინო დახმარების მინიმალური სტანდარტები საკმარისია, როგორც პაციენტის დიაგნოსტიკისთვის, ასევე პირველადი სამედიცინო დახმარებისთვის“, - ასე ეხმაურება „კომერსანტთან“ საუბრისას, მაღალმთიან რეგიონებში არსებულ პირველად სამედიცინო დახმარებასთან დაკავშირებულ პრობლემას ჯანდაცვის დეპარტამენტის პოლიტიკის სამმართველოს უფროსი ქეთევან გოგინაშვილი.    მაღალმთიან სოფლებში პირველადი...


მსგავსი სიახლეები