საოკუპაციო რეჟიმი ახალგორში ე.წ. საბაჟო კონტროლის პუნქტს ხსნის

access_time2018-01-10 11:19:26

ცხინვალის სეპარატისტული ხელისუფლება ახალგორის რაიონში, დე ფაქტო საზღვარზე „რაზდახანის“ ე.წ. საბაჟო კონტროლის პუნქტს ხსნის. სამხრეთ ოსეთის ე.წ საბაჟო კომიტეტის ხელმძვანელის მურატ ცხოვრებოვის განცხადებით, საბაჟო „რაზდახანი“ ერთი კვირაში ამუშავდება.

 

ე.წ. სამხრეთ ოსეთის დე ფაქტო ხელისუფლების ეს განზრახვა ცნობილი რამდენიმე თვის წინ გახდა. ჯერ კიდევ ნოემბერში, ცხოვრებოვმა განმარტა, რომ
ეს ნაბიჯი იდგმება საქართველოდან შემავალი ტვირთების ხარისხისა და მოცულობის კონტროლის მიზნით. ე.წ. საბაჟოს ხელმძღვანელი ასევე
აცხადებს, რომ პუნქტის გახსნის იდეა წარმოიშვა მას შემდეგ, რაც საქართველოს ცენტრალური ხელისუფლების მიერ კონტროლირებადი ტერიტორიებიდან შემავალი ტვირთების ინტენსიური მონიტორინგის შედეგად აღმოჩნდა, რომ ის არ იბეგრება. „ეს ტვირთები მრავალი წლის განმავლობაში გადასახადისგან თავისუფალი იყო. ახლა კი ყველაფერი მზად არის ახალი საბაჟო პუნქტის გახსნისთვის,"- ამბობს ცხოვრებოვი.

 

გამშვები პუნქტი, რომლის ოსური სახელწოდებაა „რაზდახან", ახალგორში გადაადგილებას უზრუნველყოფს. ამ დრომდე მისი ძირითადი ფუნქცია ადამიანების აღრიცხვა და კონტროლი გახლდათ. ახლა კი მას ტვირთების აღრიცხვის ფუნქციაც დაემატება. „რაზდახანის" გავლით ადამიანებს შეეძლოთ 50 კილოგრამამდე მოცულობის ტვირთის გადატანა. ეს წესი ისევ შენარჩუნდება, თუმცა მომავალი კვირიდან, ე.წ. მესაზღვრეები შესაბამისი მოწყობილობებით გააკონტროლებენ ამ მოცულობას. ასევე დაზუსტდება აკრძალვების ნუსხაც. ცხოვრებოვმა განაცხადა ისიც, რომ საქართველოდან შესული ტვირთი ისეთივე საბაჟო გადასახადებით დაიბეგრება და ისევე იმუშავებს, როგორც „ზემო როკას"
საბაჟო.


 

ცნობილია, რომ სასოფლო-სამეურნეო პროდუქცია ოკუპირებული რეგიონის მიმართულებით საქართველოს კონტროლირებადი ტერიტორიიდან შედის, რადგან ადგილობრივი წარმოება იქ ნაკლებადაა განვითარებული. შესაბამისად, ფასები პროდუქტებზე მაღალია. დამატებითი დაბეგვრა მოსახლეობისთვის ყოველდღიურ საქონელს, სავარაუდოდ, უფრო გააძვირებს.

 

რაც ეხება ოფიციალური თბილისის პოზიციას, მართალია, ჯერჯერობით ოკუპირებული სამხრეთ ოსეთის დე ფაქტო ხელისუფლების წარმომადგენლის გუშინდელი განცხადებების შემდეგ, კომენტარი არ გაკეთებულა, მაგრამ ქართულმა მხარემ, საოკუპაციო ხაზზე მავთულხლართებისა და სხვა ხელოვნური ბარიერების აღმართვის პარალელურად, ახალგორში ე.წ. საბაჟო გამშვები პუნქტის გახსნის გადაწყვეტილება ჟენევის საერთაშორისო მოლაპარაკებების ფორმატში ერთი თვის წინ გააპროტესტა.

 

 



გიორგი კვირიკაშვილი - „კორუფციის წინააღმდეგ ბრძოლა მოხდა რეფორმების სრული კომპლექსით, რომლებიც საქართველოს მთავრობამ გაატარა“

person access_time2018-01-23 21:10:07
კორუფცია არ უნდა განვიხილოთ, როგორც ცალკე გამოწვევა სხვა გამოწვევებს შორის, - ამის შესახებ საქართველოს პრემიერ-მინისტრმა გიორგი კვირიკაშვილმა დავოსის მსოფლიო ეკონომიკურ ფორუმზე გამართულ პანელზე გამოსვლისას განაცხადა.     პრემიერის თქმით, კორუფციის წინააღმდეგ ბრძოლა მოხდა რეფორმების სრული კომპლექსით, რომლებიც საქართველოს მთავრობამ გაატარა.     „საუბარია ეკონომიკის ღიაობაზე, როგორც სატარიფო, ისე არასატარიფო სავაჭრო ბარიერების...

გიორგი კვირიკაშვილი: ჩვენი ისტორიული ტერიტორიების ოკუპაცია დიდი პრობლემაა, რასაც კონსტრუქციული, პრინციპული მიდგომით უნდა გავუმკლავდეთ

person access_time2018-01-23 19:10:00
საქართველოს პრემიერ-მინისტრის გიორგი კვირიკაშვილის განცხადებით, უნდა მოიძებნოს რუსეთთან ისეთი ზონები და არეალი, რომელიც მომავალში შეიძლება გახდეს კონფლიქტების პოლიტიკური დარეგულირების პოზიტიური განხილვების დაწყების საფუძველი, ეს სფეროები შეიძლება იყოს ვაჭრობა, ტურიზმი, ჰუმანიტარული და კულტურული ურთიერთობები. ამის შესახებ საქართველოს პრემიერმა დავოსის მსოფლიო...

თბილისში H&M-ის მეორე მაღაზია იხსნება

person access_time2018-01-23 17:00:23
მსოფლიოს ერთ-ერთი უდიდესი საერთაშორისო სავაჭრო ბრენდი Hennes & Mauritz AB (H&M), რომელიც ცნობილია თავისი ბიზნესიდეით – ტრენდული სამოსი და ხარისხი საუკეთესო ფასად, მოდის მდგრადი განვითარებისათვის –სიამაყით აცხადებს თავისი მეორე მაღაზიის გახსნას საქართველოში.   როგორც კომერსანტს H&M Georgia-დან აცნობეს, მაღაზია 2018 წლის გაზაფხულზე სავაჭრო და გასართობ ქალაქ „ისთ ფოინთში გაიხსნება, რომლის მისამართია ალექსანდრე თვალჭრელიძის N2. ბრენდი 3...

გიორგი ხანიშვილი : „2017 წელს განადგურებული მოსავალი მხოლოდ აზიური ფაროსანას მავნებლობით არ იყო გამოწვეული“

person access_time2018-01-23 18:10:49
„2017 წელს განადგურებული მოსავალი მხოლოდ აზიური ფაროსანას მავნელობით არ იყო გამოწვეული“-ამის შესახებ გარემოს დაცვისა და სოფლის მეურნეობის მინისტრის მოადგილე გიორგი ხანიშვილმა რადიო „კომერსანტის“ გადაცემაში „კომერსანტის თემა სალომე სოსელიასთან ერთად“ ისაუბრა.მისი განცხადებით, ამ შემთხვევაში ბაღების მოვლა-დამუშავება აუცილებლია.როგორც ხანიშვილი აცხადებს, აუცილებელია ადგილობრივმა ფერმერებმა საკუთარ ნაკვეთებში აგროკალენდრით გათვალსიწინებული ყველა ღონისძიება...

დაგროვებითი საპენსიო სისტემის ამოქმედება სახელმწიფო ბიუჯეტის საშემოსავლო ნაწილს დაახლოებით 40-მილიონ ლარამდე ამცირებს

person access_time0000-00-00 00:00:00
საპენსიო რეფორმა გავლენას ახდენს ბიუჯეტის ხარჯვით ნაწილზეც - სისტემის ამოქმედების შემდგომ, საბიუჯეტო ხარჯი დაახლოებით 150-მილიონი ლარი იქნება.   როგორც მთავრობა განმარტავს, კონტრიბუციის გაანგარიშება ხდება დარიცხული ხელფასიდან და შემდეგ მოხდება საშემოსავლოს 20%-ის გადახდა. საშემოსავლო დასაბეგრი ბაზის შემცირების გამო, ბიუჯეტში დაახლოებით 17 მლნ ლარამდე ნაკლები თანხა მობილიზდება. ასევე, გამომდინარე იმ ფაქტიდან, რომ დამსაქმებელს თავის...


მსგავსი სიახლეები