„ნაპოლის“ ვარსკვლავი ხვიჩა კვარაცხელია კლუბთან კონტრაქტის განახლებაზე უარს ამბობს, „ბარსელონა“ ვითარებას აკვირდება. ქართველმა ვარსკვლავმა, შესაძლოა, კლუბი მიმდინარე სეზონის დასრულების შემდეგ დატოვოს. აღნიშნული ინფორმაცია Gazzetta dello Sport-მა გუშინ გაავრცელა.
აღნიშნული გამოცემა წერდა, რომ მომდევნო კვირაში მამუკა ჯუღელი იტალიაში გაემგზავრება, სადაც „ნაპოლის" პრეზიდენტ აურელიო დე ლაურენტისს შეხვდება.
დღეს კი იტალიური გამოცემა უკვე იმ დეტალებს აქვეყნებს, რა მოთხოვნებიც კვარაცხელიას აგენტს „პარტენოპეის" მესაკუთრესთან ექნება.
"ბარსელონა" კვარაცხელიაზე ზეწოლას აგრძელებს, ჯუღელს კი სურს გაიგოს, თუ რა არის იტალიური კლუბის განზრახვა. ის კონკრეტული წინადადებით შეხვდება დე ლაურენტისს და მოსთხოვს, რომ ხვიჩას ხელფასი 5 მილიონი ევრო გახდეს და ამას ბონუსებიც დაემატოს.
პრეზიდენტი კი მზადაა მხოლოდ 4,5 მილიონი გადაიხადოს და ისიც ბონუსების ჩათვლით. ამდროისთვის დე ლაურენტისის პოზიციის შერყევა ძალიან რთული იქნება, რადგან „ბარსელონას" ფინანსური პრობლემებიდან გამომდინარე, შეგვიძლია ვიფიქროთ, რომ კატალონიელთა მხრიდან „პარტენოპეის" მოთხოვნილი თანხის გადახდა ძალიან რთული იქნება," - წერს გამოცემა.
წყარო: sportall.ge
