აღმოსავლეთ გერმანიაში, ქალაქი აიზენჰიუტენშტადტი ხალხს ორი კვირით უფასოდ სთავაზობს საცხოვრებლად გადასვლას – ამის შესახებ „ევროპულსი“ წერს.
პროგრამის მონაწილეებს 6-დან 20 სექტემბრამდე შეეძლებათ სრულად აღჭურვილ ბინაში ცხოვრება და ქალაქისა და მისი შესაძლებლობების გაცნობა.
სტუმრებისთვის დააორგანიზებენ ექსკურსიებს ადგილობრივ საწარმოებში და დაეხმარებიან სტაჟირების ან სამუშაოს ვარიანტების შერჩევაში.
აიზენჰიუტენშტადტი ბერლინიდან 100 კილომეტრში, პოლონეთის საზღვართან ახლოს მდებარეობს. ქალაქი დაარსდა 1950 წელს, როგორც მეტალურგიული ქარხნის მუშების დასახლება, ხოლო 1953–1961 წლებში მას სტალინშტადტიც კი ერქვა. გერმანიის გაერთიანების შემდეგ, მოსახლეობა თითქმის განახევრდა, 1990-იან წლებში 50 000-დან დღეს 24 000-მდე.
ეს ინიციატივა ქალაქის ხელისუფლების მცდელობაა, მიიზიდოს ახალი მცხოვრებლები და აჩვენოს, რომ აქ ცხოვრება შეიძლება იყოს კომფორტული და პერსპექტიული.
