ახლო აღმოსავლეთში არსებული ვითარება სახიფათოა, – ამის შესახებ საგარეო საქმეთა და უსაფრთხოების პოლიტიკის საკითხებში ევროკავშირის წარმომადგენელმა, კაია კალასმა განაცხადა.
როგორც კალასმა აღნიშნა, მზადაა, მხარი დაუჭიროს დეესკალაციისკენ მიმართულ დიპლომატიურ ძალისხმევას.
„ახლო აღმოსავლეთში არსებული ვითარება სახიფათოა. მოვუწოდებ ყველა მხარეს, გამოიჩინონ თავშეკავება და თავიდან აიცილონ შემდგომი ესკალაცია. დიპლომატია კვლავ საუკეთესო გზად რჩება და მზად ვარ, მხარი დავუჭირო დეესკალაციისკენ მიმართულ ნებისმიერ დიპლომატიურ ძალისხმევას“, – წერს კალასი.
