2024 წლის პირველ კვარტალში, ჩინეთში, Apple-ის სმარტფონების გაყიდვები 19%-ით დაეცა, რაც 2020 წლის შემდეგ ყველაზე ცუდი მაჩვენებელია. ამის შესახებ ინფორმაციას Reuters-ი ავრცელებს. 

IDC-ის მონაცემებით, მსოფლიო ბაზარზე,  Apple-მა პირველ კვარტალში 50.1 მილიონი ერთეული სმარტფონის გაყიდვა შეძლო. გასული წლის იმავე პერიოდში კი ეს რიცხვი 55.4 მილიონ ერთეულს შეადგენდა.

ცნობისთვის, Apple-მა სმარტფონების ყველაზე მსხვილი მწარმოებლის სტატუსი დაკარგა, პირველ პოზიციაზე კი Samsung-მა გადაინაცვლა.