კიევი დოლარიდან ევროზე, როგორც ძირითად ვალუტაზე გადასვლის შესაძლებლობის განხილვას იწყებს, - ამის შესახებ განუცხადა უკრაინის ეროვნული ბანკის ხელმძღვანელმა, ანდრეი პიშნიმ „როიტერსს“.
მან აღნიშნა, რომ უკრაინის მარეგულირებელი იძულებულია განიხილოს ეს საკითხი უკრაინის ევროკავშირში პოტენციური გაწევრიანების, ქვეყნის თავდაცვისუნარიანობის უზრუნველყოფაში ევროკავშირის როლის გაძლიერების, გლობალურ ბაზრებზე მაღალი ცვალებადობისა და გლობალური ვაჭრობის ფრაგმენტაციის ალბათობის გამო.
დოლარიდან ევროზე შესაძლო გადასვლასთან დაკავშირებით, პიშნიმ აღნიშნა, რომ ეს არის რთული სამუშაო, რომელიც მოითხოვს მაღალი ხარისხის და ყოვლისმომცველ მომზადებას. მისი თქმით, დოლარის ტრანზაქციები კვლავ დომინირებენ სავალუტო ბაზრის ყველა სეგმენტში, თუმცა ევროში დენომინირებული ტრანზაქციების წილი უმეტეს სეგმენტებში იზრდება.
