კომპანია „აგროქიზიყის“ დამფუძნებელი ბექა გონაშვილი იზიარებს მოსაზრებას იმის შესახებ, რომ უცხოელებისთვის სასოფლო-სამეურნეო დანიშნულების მიწის მიყიდვის აკრძალვა სოფლის მეურნეობაში პირდაპირი უცხოური ინვესტიციების მოზიდვას გარკვეულწილად აფერხებს.
„ადრე თუ გვიან მოგვიწევს, სოფლის მეურნეობაში უცხოელ ინვესტორებსაც გავუხსნათ გზა“, - თქვა მან BMGTV-ის გადაცემა „წერტილთან“ ინტერვიუში.
ბექა გონაშვილს მიაჩნია, რომ მკაცრად გაწერილი საინვესტიციო ვალდებულებების და დარგში ახალი ცოდნის და ტექნოლოგიების შემოტანის სანაცვლოდ, შესაძლებელი უნდა იყოს უცხოელებზე მიწის პრივატიზაცია.
საქმე ის არის, რომ 2025 წლის პირველ კვარტალში სოფლის მეურნეობაში პირდაპირი უცხოური ინვესტიციების გადინებას ჰქონდა ადგილი, მეორე კვარტალში კი სულ 1.5 მლნ დოლარი ჩაიდო. საქსტატის მონაცემებით, შარშან სოფლის მეურნეობის სექტორში მხოლოდ 5 მილიონ დოლარამდე ინვესტიცია შემოვიდა. 2016 წლიდან მოყოლებული, ამ სექტორში ყველაზე მეტი FDI 2027 წელს განხორციელდა - 13 მილიონი დოლარი.
- თუ გვინდა, სოფლის მეურნეობაში უცხოური ინვესტიციები კლასიკურად მოვიზიდოთ, უნდა ვთქვათ, რომ უცხოელებსაც შეუძლიათ მიწების ყიდვა და გაჩნდება ბუმი, მაგრამ ამ საკითხს მეორე მხარე აქვს - მათ შორის ემოციური...
