თბილისის მერი თავდაცვის ყოფილი მინისტრისნ დაკავებას უარყოფითად აფასებს, თუმცა, ამბობს, რომ კორუფციასთან ბრძოლა უმნიშვნელოვანესია.
როგორც კახა კალაძე ამბობს, თავდაცვის ყოფილი მინისტრის, ჯუანშერ ბურჭულაძის დაკავების ფაქტი ცუდია, თუმცა, კორუფციასთან ბრძოლა მმართველი გუნდისთვის პრინციპულად მნიშვნელოვანია.
„კორუფციასთან ბრძოლა და პრევენციული ღონისძიებების გატარება პრინციპულად მნიშვნელოვანია. რაც შეეხება ბურჭულაძის დაკავებას, რა თქმა უნდა, არ არის სასიამოვნო არც ჩემთვის, არც ჩემი თანაგუნდელებისთვის. მძიმე ფაქტია, როდესაც შენს თანაგუნდელს აკავებენ მაშინ, როდესაც ქვეყანას დანის პირზე სიარული მოუწია. თავად პარტიის საპატიო თავმჯდომარემ ყველაფერი გადადო და იცით, როგორ ებრძვის იმ ბოროტებას, რომელიც ებრძვის საქართველოს, ჩვენს სამშობლოს. ამ პირობებში და ვითარებაში, როდესაც მსგავსი ფაქტები ხდება, ძალიან ცუდია“, - უთხრა კახა კალაძემ ჟურნალისტებს.
