რუსეთის პრეზიდენტი ბიზნესის წარმომადგენლებს მოუწოდებს, არ დაპანიკდნენ ახალი სანქციების მუქარის ფონზე.
ბიზნესისა და სახელმწიფო სტრუქტურების წარმომადგენლებთან საუბრისას ვლადიმერ პუტინმა მთავრობის წევრებს დაავალა, მოძებნონ გამოსავალი, რომ დასავლურ კომპანიებს რუსეთში ოპერირება აუკრძალონ, „თუ ისინი ქვეყნისთვის მოგებას არ მოიტანენ“.
„ჩვენ არ შეგვაშინებს ეს ახალი შესაძლო სანქციები. შიში არ არის გამოსავალი… ვინც პანიკას დაიწყებს, მაშინვე ყველაფერს დაკარგავს.
თუმცა, აუცილებელია გვესმოდეს, რა შეიძლება მოხდეს და მზად ვიყოთ ნებისმიერი ქმედებისთვის, რომელსაც ჩვენი პოტენციური მომავალი მოწინააღმდეგეები განახორციელებენ. ისინი ბევრ რამეს საკუთარი თავის საზიანოდ აკეთებენ. ხანდახან ვფიქრობ, რომ არ გააკეთებ, რადგან ზიანს აყენებენ საკუთარ თავს, მაგრამ მაინც აკეთებენ. სულელები…“ – თქვა პუტინმა.
ევროკომისია და აშშ ერთობლივად მუშაობენ სანქციების ახალ პაკეტზე რუსეთის წინააღმდეგ. „ყველაზე მკაცრი სანქციები“ დაუწესდება რუსეთს იმ შემთხვევაში, თუ ის არ დასთანხმდება ცეცხლის შეწყვეტას უკრაინაში.
