Cryptal-ზე კრიპტო ბალანსის შევსება უკვე ნაღდი ფულითაც შეიძლება!
ჩვენს ცხოვრებაში სულ უფრო ხშირად გვესმის სხვადასხვა კრიპტო ტერმინი, იქნება ეს ბიტკოინი, ბლოკჩეინი, ციფრული ვალუტა თუ ა.შ. მიუხედავად ამისა, ბევრი ადამიანისთვის კრიპტო აქტივები და მასთან დაკავშირებული ინდუსტრია კვლავაც შორეულ სფეროდ რჩება.
თუმცა, ეს ყველაფერი Cryptal-ის დამსახურებით უკვე იცვლება - კრიპტო ასე ხელმისაწვდომი აქამდე არასდროს ყოფილა!
მომხმარებლებს თავიანთი ბალანსის შევსება და შემდგომ სასურველი კრიპტოს ყიდვა ნაღდი ფულის გამოყენებით შეუძლიათ. ანგარიშზე ლარის შეტანა კი, მარტივად, სწრაფი ჩარიცხვის აპარატებისა და ფიზიკური ფილიალების დახმარებით არის შესაძლებელი.
ამაში კი, კრიპტოს შეძენის მსურველებს საქართველოს სხვადასხვა რეგიონსა და ქალაქში განთავსებული 10,000-ზე მეტი განსხვავებული სწრაფი ჩარიცხვის აპარატი დაეხმარება - TBC Pay, BOG Pay, LB Pay (ლიბერთი ბანკი) და PayBox.
დამატებით, მომხმარებლებს შესაძლებლობა აქვთ თავიანთი Cryptal-ის ბალანსი ნაღდი ფულის დახმარებით, CreditService+-ის ფიზიკური ფილიალებიდან შეავსონ. მათ, ვისაც ფულის შეტანისა და გამოტანისას აპარატის გამოყენებას ადამიანთან ურთიერთობა ურჩევნია, CreditService+-ის 50-ზე მეტი ფილიალი მოემსახურებათ.
რა დამჭირდება ბალანსის შესავსებად?
იმისათვის, რომ მომხმარებელმა Cryptal-ის ანგარიშზე თანხის შეტანა შეძლოს საჭიროა:
- Cryptal-ის ანგარიში
- სწრაფი ჩარიცხვის აპარატი ან CreditService+-ის ფილიალი
- ნაღდი ფული - ლარი (₾)
სულ ეს არის, კრიპტო პლატფორმაზე შეტანილი თანხა მომხმარებლის ანგარიშზე მყისიერად აისახება, ყოველგვარი ზედმეტი ნაბიჯებისა და დაბრკოლებების გარეშე.
რა უპირატესობები აქვს?
- სისწრაფე - სწრაფი ჩარიცხვის აპარატების გამოყენებით ანგარიშზე თანხის შეტანა სულ რამდენიმე წუთიანი პროცესია, ჩარიცხული თანხა კი, მომხმარებლის ანგარიშზე ყოველგვარი დაბრკოლების გარეშე, წამებში ისახება.
- სიმარტივე - Cryptal-ზე თანხის შეტანა არაფრით განსხვავდება ჩვენთვის კარგად ნაცნობი პროცედურებისგან, იქნება ეს მობილურის ბალანსის შევსება, კომუნალური გადასახადის გადახდა თუ საბანკო ანგარიშზე თანხის ჩარიცხვა.
- ხელმისაწვდომობა - სწრაფი ჩარიცხვის აპარატები მთელი საქართველოს მასშტაბით, ყველა რეგიონსა და დიდ ქალაქშია განთავსებული, მათი გამოყენება კი, დღე-ღამის ნებისმიერ მონაკვეთში, 24/7-ზე არის შესაძლებელი. CreditService+-ის ფიზიკური ფილიალები კი, ხელმისაწვდომობას კიდევ უფრო ამრავალფეროვნებს.
- მოხერხებულობა - ციფრული ტრანზაქციების სამყაროში, ადამიანებს აქვთ იმის საშუალება, რომ კრიპტო ბალანსი თავიანთვის მოსახერხებელი გზით შეავსონ, ამ შემთხვევაში კი, ნაღდი ფულის გამოყენებით.
როგორ შევავსო Cryptal-ის ბალანსი?
თუ მომხმარებელს სურს, რომ საკუთარ ანგარიშზე თანხა CreditService+-ის ფიზიკური ფილიალების დახმარებით შეიტანოს, მაშინ საჭიროა:
- ფილიალის მოძიება
- პირადი ნომრის ან მეილის წარდგენა
დანარჩენზე კი, ოპერატორი იზრუნებს, რომელიც მომხმარებელს ანგარიშზე სასურველი თანხის შეტანაში დაეხმარება. სერვისცენტრები განთავსებულია საქართველოს ყველა დიდ ქალაქში.
ხოლო თუ კრიპტოს ყიდვის მსურველს სწრაფი ჩარიცხვის აპარატის გამოყენება სურს, მაშინ საჭიროა:
- აპარატის მოძიება - TBC Pay, BOG Pay, LB Pay და PayBox
- შესაბამის კატეგორიაში კრიპტალის მოძებნა ან საძიებო ველში Cryptal-ის ჩაწერა
- პირადი ნომრის, მობილბანკის, პასპორტის ნომრის ან სხვა მოცემული მეთოდით იდენტიფიკაცია
- თანხის შეტანა
მნიშვნელოვანია იმის გათვალისწინებაც, რომ სხვადასხვა სწრაფი გადახდის აპარატს შესაძლოა მცირედით განსხვავებული ეტაპები ჰქონდეს, თუმცა პროცესი ყველასთვის მარტივია, ვისაც ჩასარიცხი აპარატის სერვისი ერთხელ მაინც გამოუყენებია.
გარდა ამისა, შესაძლებელია რომ თანხის შეტანაზე სხვადასხვა აპარატს განსხვავებული საკომისიოები ჰქონდეს, ამიტომ მნიშვნელოვანია მომხმარებელმა ამას ყურადღება მიაქციოს.
