ავსტრიის მაღალრეიტინგული გამოცემა Die Presse საქართველოს ტურისტული პოტენციალის შესახებ ვრცელ სტატიას აქვეყნებს. გამოცემის ჟურნალისტმა ჯოზეფ ებნერმა საქართველოში მოგზაურობისას მიღებული შთაბეჭდილებები მკითხველს გაუზიარა.
Die Presse საქართველოს სამთო ტურიზმის უპირატესობის, უნიკალური სამზარეულოსა და კულტურის შესახებ წერს. სტატიის ავტორი ავსტრიელ მკითხველს საქართველოში მოგზაურობასთან დაკავშირებულ რჩევებსაც აძლევს.
„იქ სადაც იუნესკოს მსოფლიო მემკვიდრეობის ძეგლებია საქართველომ პირველად Freeride World Tour-ს უმასპინძლა. ტურნირი სვანეთში ჩატარდა, აქ ჰაწვალის და თეთნულდის სათხილამურო ტრასებია. სვანეთში აღმოაჩენთ თავდაცვის მიზნით აშენებულ კოშკებს, უშგულში 800 წლის კოშკებსაც იპოვით“,-წერს ჯოზეფ ებნერი.
გამოცემის ჟურნალისტი მკითხველს საქართველოს ტურიზმის ეროვნული ადმინისტრაციის ახალ პროექტს „გიზ-გიზს“ აცნობს, რომელიც ზამთრის კურორტების პოპულარიზაციის მიზნით შეიქმნა.
„მესტიაში ფესტივალი „გიზ-გიზი“ ჩატარდა. აქ წარმოდგენილი იყო ქართული „სთრით ფუდი“, ტრადიციული წვნიანი კერძები, ასევე ლუდი და ჭაჭა. ფესტივალზე მონაწილეებმა დიჯეებთან ერთად იზეიმეს“,-წერს Die Presse-ის ჟურნალისტი.
ყოველდღიური გამოცემა Die Presse ვენაში 1848 წლიდან გამოდის და ავსტრიაში ერთ-ერთი ყველაზე პოპულარულია.
„საქართველოს თეთრი ოქრო- 10 წელიწადში სრულიად ევროპა აქ ისრიალებს“ - Die Presse საქართველოს შესახებ
აშშ უკრაინისთვის 6 მილიარდი დოლარის ოდენობის ყველაზე დიდ სამხედრო დახმარების პაკეტს გამოყოფს
საქართველოს მიმართ აშშ-ის პოლიტიკის შეცვლა: ინდივიდუალური სანქციები, ფინანსური დახმარების გადახედვა და სავიზო აკრძალვის გაფართოება - 14 სენატორი კობახიძეს აფრთხილებს
„რჩება შთაბეჭდილება, რომ ევროპარლამენტარების მხრიდან საქართველოს სახელმწიფოს სუვერენიტეტი არ განიხილება, როგორც სრულყოფილი მოცემულობა“ - საპატრიარქო
ყველა ლეგიტიმურ გზას გამოვიყენებთ, რომ საზოგადოებას სიმართლე მივაწოდოთ- „ოცნების“ სტრატკომი ფეისბუკგვერდების „დაბუსტვის“ თემას ეხმაურება
„ენმ-ის დროს, როდესაც საზღვრები საერთოდ არ იყო გახსნილი, ორჯერ უარესი მაჩვენებელი იყო მიგრაციის კუთხით“ - ირაკლი კობახიძე