ევროპის ცენტრალური ბანკის პროგნოზის თანახმად, ევროზონაში სამომხმარებლო ფასები 2025 წელს 2%-ით, ხოლო 2026 წელს 1.6%-ით გაიზრდება. პროგნოზი გამოქვეყნდა შეხვედრის შემდეგ, რომელზედაც ევროპის ცენტრალურმა ბანკმა განაკვეთები 25 საბაზისო პუნქტით შეამცირა.
სამი თვის წინ, მარეგულირებელმა 2025 წელს ინფლაცია 2.3%-ით, ხოლო 2026 წელს 1.9%-ით იწინასწარმეტყველა. გადახედვა ენერგომომარაგების ხარჯების შემცირებისა და ევროს გამყარების მოლოდინებით იყო განპირობებული.
2027 წელს მოსალოდნელია, რომ ინფლაცია 2%-ის ტოლი იქნება.
ევროპის ცენტრალური ბანკის პროგნოზით, ენერგიისა და სურსათის გამოკლებით სამომხმარებლო ფასები (ძირითადი ინფლაცია) წელს 2.4%-ით, მომავალ წელს 1.9%-ით და 2027 წელს 1.9%-ით გაიზრდება.
ევროპის ცენტრალურმა ბანკმა ევროზონის მშპ-ს 2025 წლის ზრდის შეფასება 0.9%-ზე შეინარჩუნა. 2026 წლის მშპ-ს პროგნოზი ადრე პროგნოზირებული 1.2%-დან 1.1%-მდე გადაიხედა.
