კლიმატის ცვლილებას ყველაზე დიდი უარყოფითი გავლენა აქვს ევროპის ღვინის რეგიონებზე, ხოლო რისკის ქვეშ ჩრდილოეთ აფრიკა და დასავლეთ აზიაა, – დაასკვნეს ჟურნალ PLOS Climate-ში გამოქვეყნებული კვლევის ავტორებმა. კვლევა ჩაატარა მეცნიერთა ჯგუფმა, რომელსაც ხელმძღვანელობდნენ კანადის ბრიტანეთის კოლუმბიის უნივერსიტეტის (UBC) თანამშრომლები.
მსოფლიოს ღვინის რეგიონებში ტემპერატურა ბოლო ათწლეულების განმავლობაში მნიშვნელოვნად გაიზარდა.
კვლევის თანახმად, რეგიონები საშუალოდ თბებოდა თითქმის 100 დამატებითი მზარდი გრადუს-დღის (GDD) ეკვივალენტით, რაც ყურძნის დამწიფებისთვის საჭირო სითბოს დაგროვების საზომია.
ყველაზე დიდი ცვლილება ევროპაში დაფიქსირდა, სადაც 1980 წლიდან ზოგიერთ ადგილას ტემპერატურა 2.5°C-ით გაიზარდა.
კვლევა ასევე აჩვენებს, რომ ტემპერატურის მატება რეგიონის მიხედვით განსხვავებულად ვლინდება.
მაგალითად, ჩრდილოეთ აფრიკასა და დასავლეთ აზიაში საშუალო ტემპერატურა გაიზარდა, მაგრამ მაქსიმალური ტემპერატურა ისე არ გაზრდილა, როგორც ევროპაში, ხოლო ოკეანეთსა და აღმოსავლეთ აზიაში ზამთრის ტემპერატურა ყველაზე მეტად გაიზარდა. ღამით და ზამთარში ტემპერატურის მატება გავლენას ახდენს ვაზის ზრდაზე, კვირტების გაშლისა და მოსავლის აღების ვადებზე.
