ვორქშოფების ყველაზე მასშტაბური ფესტივალი 27-28 აპრილს აბრეშუმის ქარხანაში გაიმართება. ფესტივალზე 50-ზე მეტი სხვადასხვა ორგანიზაციის ვორქშოფი საათში ერთხელ პარალელურად ჩატარდება. ჯამში 2 დღის მანძილზე 5000-ზე მეტ ადამიანს საშუალება ექნება ჩაერთოს 700-მდე ინტერაქციულ ვორქშოფში.
ვორქშოფ ფესტის საორგანიზაციო გუნდია Alice Q, რომელსაც ღონისძიებების ორგანიზების 19 წლიანი გამოცდილება აქვს. გუნდის მიერ ორგანიზებულია 600-მდე ღონისძიება, მათ შორის შემდეგი ფესტივალები:
- Sport Fest
- Kiketi Fest
- Kiketi Forest Downhill Cup
Alice Q-ს მიერ ორგანიზებული ფესტივალები გამოირჩევა ინტერაქციული ფორმატით. სტუმრები ერთვებიან სხვადასხვა აქტივობაში და იღებენ ახალ გამოცდილებას. ფესტივალზე სტუმრებს დახვდებათ შემდეგი ვორქშოფები:
- კოქტეილების და ლიმონათების მომზადება
- დეკორატიული ლესვა
- ტანგოს ვორქშოფი
- ხელოვნური ინტელექტის გამოყენება
- დრამზე დაკვრა
- ავეჯის რესტავრაცია
- პროფესიის და უნივერსიტეტის არჩევა
- ხალიჩების ქსოვა
- ხმის ინჟინერია მარტივად
- პირველადი დახმარების ვორქშოფი
- საზღვარგარეთ სწავლისათვის მომზადება
- მცენარეების გადარგვა
- მუსიკალური ინსტრუმენტების იმპროვიზაცია
- მენტალურ ჯანმრთელობაზე ზრუნვა
ფესტივალი ერთნაირად დააინტერესებს:
- მოზარდებს, რომლებსაც სწავლის გაგრძელება და სწორი პროფესიის შერჩევა სურთ.
- ადამიანებს, ვისაც პროფესიის შეცვლა, პროფესიულად განვითარება ან ახალი ჰობის აღმოჩენა სურს.
- ბავშვებს, რომლებიც შემეცნებასთან ერთად გაერთობიან
- მშობლებს, რომელთაც სურთ ცნობიერება აიმაღლონ თანამედროვე აღზრდის მეთოდებზე.
- 65+ ასაკის კატეგორიისთვის, ვისაც თავისუფალი დროის საინტერესოდ გატარება სურს.
საფესტივალო ტერიტორიაზე რამდენიმე განსხვავებული ზონა იქნება:
- ხელოვნებისა და კრაფტის ზონა;
- ტექნოლოგიების ზონა,
- განათლების და პროფესიული განვითარების ზონა;
- კვების და სასმელების ზონა;
- DIY და მებაღეობის ზონა;
- ჯანმრთელობისა და სილამაზის ზონა;
- მშობლების და ბავშვების ზონა;.
