ევროკომისია ამუშავებს სქემას, რომლის მიხედვითაც ომის შემდეგ უკრაინის აღდგენის მიზნით გაყინული რუსული აქტივების თითქმის 200 მილიარდი ევრო გადაირიცხება. ეს საკითხი პირველად შაბათს მინისტრთა დონეზე განიხილება, – წერს Politico.
ბრიუსელი განიხილავს ამ თანხების უფრო სარისკო ინვესტიციებში გადატანის შესაძლებლობას, რათა უკრაინამ მეტი მოგება მიიღოს და ამავდროულად გაზარდოს ზეწოლა რუსეთზე, რომელიც უარს ამბობს ომის დასრულებაზე.
Politico, რამდენიმე ოფიციალურ პირზე დაყრდნობით, წერს, რომ აქტივები შესაძლოა გადაეცეს „სპეციალური მიზნობრივ ჰოლდინგ კომპანიას“, რომელსაც მხარს დაუჭერს ევროკავშირის რამდენიმე ქვეყანა და სხვა სახელმწიფო.
