ამერიკული ფარმაცევტული კომპანია Merck & Co. შვეიცარიული ბიოტექნოლოგიური კომპანიის, MoonLake Immunotherapeutics-ის, შესყიდვაზე მოლაპარაკებებს აწარმოებდა, რომლის ღირებულება 3 მილიარდ დოლარს აჭარბებს, იტყობინება Financial Times ინფორმირებულ წყაროებზე დაყრდნობით.
კომპანიის შესყიდვის მსგავსი შეთავაზება Merck-მა წელს ადრეც გააკეთა. შეთავაზება უარყოფილ იქნა, თუმცა, წყაროების ცნობით, მოლაპარაკებები შესაძლოა განახლდეს. ასევე არსებობს ალბათობა, რომ MoonLake–ზე სხვა პრეტენდენტებიც გამოჩნდნენ.
შვეიცარიული კომპანიის მრჩევლებად Morgan Stanley და Goldman Sachs გამოდიან.
