Amazon-მა, Kuiper-ის ქსელის განსავითარებლად, 10 მლრდ აშშ დოლარის ინვესტიცია გამოყო. ეს იმას ნიშნავს, რომ ამერიკელმა მეწარმემ, ჯეფ პრესტონ ბეზოსმა (კომპანია Amazon-ის დამაარსებელი, თავმჯდომარე და აღმასრულებელი დირექტორი) თანამგზავრების ქსელისთვის 10 მლრდ დოლარი გამოყო.
უფრო კონკრეტულად: Amazon-მა, Kuiper-ის ქსელის განსავითარებლად, 10 მლრდ აშშ დოლარის ინვესტიცია გამოყო. კომპანია გეგმავს, ილონ მასკის უმსხვილეს ინტერნეტ თანამგზავრების ქსელ Starlink-თან კონკურენციაში შევიდეს - ორბიტაზე თანამგზავრების გაშვება 6 წლის წინ დაიწყო და ამჟამად 8 000 თანამგზავრი აქვს განთავსებული.
Reuters-ის მიხედვით, Kuiper-ის თანამგზავრების რაოდენობა, 2026 წლისთვის, 1618-ს მიაღწევს. პროექტის ფარგლებში, კომერციული ინტერნეტ მომსახურების გაწევას მიმდინარე წლის ბოლოსთვის დაიწყებს და მოამარაგებს როგორც მომხმარებლებს, ასევე საწარმოებსა და მთავრობას.
ორბიტაზე ამჟამად Kuiper-ის 27 თანამგზავრია განთავსებული და დედამიწის ზედაპირიდან 450 კმ-ის სიმაღლეზე პოზიციონირებენ.
Amazon-ი ცდილობს გააფართოვოს თავისი ისედაც გიგანტური მასშტაბები ინტერნეტ თანამგზავრული საწარმოს, Project Kuiper-ის მეშვეობით. Kuiper პირდაპირ კონკურენციას გაუწევს SpaceX-ის Starlink-ს, რაც კიდევ უფრო გააძლიერებს მილიარდერების, ჯეფ ბეზოსის და ილონ მასკის ათწლეულების განმავლობაში არსებულ მეტოქეობას.
10 მილიარდი დოლარის ღირებულების საწარმოს მიზანია ფართოზოლოვანი ინტერნეტის ათობით მილიონამდე გაზრდა და წარმატების შემთხვევაში, შესაძლოა Amazon-ის სხვა მიზნების მხარდაჭერაც. პროექტს სახელი კოიპერის სარტყლიდან, მზის სისტემის რვა მთავარი პლანეტის მიღმა მდებარე ნაწილიდან მომდინარეობს. Kuiper-მა უზრუნველყო გაშვება სხვადასხვა აერონავტიკული კომპანიებისგან, მათ შორის Blue Origin-ისგან, რომელიც Amazon-ის დამფუძნებლისა და აღმასრულებელი თავმჯდომარის, ბეზოსის საკუთრებაა.
Kuiper ფართოზოლოვან ინტერნეტთან წვდომას ჰპირდება ათობით მილიონ ადამიანს, განსაკუთრებით კი მათ, ვინც რთულად მისადგომ ზონებში ცხოვრობს, - აცხადებს Amazon. კომპანია აცხადებს, რომ მისი სერვისები ხელს შეუწყობს ციფრული უფსკრულის აღმოფხვრას, რადგან სატელიტური ინტერნეტი სოფლის თემებს უფრო სწრაფ კავშირს უზრუნველყოფს.
Amazon-ი გეგმავს საბოლოოდ 3200-ზე მეტი თანამგზავრის გაშვებას Kuiper-ის მეშვეობით. Amazon-ის ცნობით, Kuiper-ს სამი ძირითადი კომპონენტი აქვს: ინფრასტრუქტურა მიწაზე, თანამგზავრები და მომხმარებლის ტერმინალები.
მიწის ინფრასტრუქტურა აკავშირებს თანამგზავრულ ქსელსა და ინტერნეტს. თანამგზავრები, რომლებიც დაბალ ორბიტაზე მდებარეობს, გადასცემენ მონაცემებს მიწის ინფრასტრუქტურასა და მომხმარებლებს შორის. თითოეული მომხმარებელი აყენებს გარე ანტენას, ანუ „მომხმარებლის ტერმინალს“, რომელიც უკავშირდება თანამგზავრს და უზრუნველყოფს WiFi-ს.
