ევროკავშირმა მოამზადა 84 მილიარდი დოლარის ღირებულების ამერიკული საქონლის სია, რომელზედაც შესაძლოა ტარიფები დაწესდეს, მიზეზი აშშ-ის პრეზიდენტის დონალდ ტრამპის სავაჭრო პოლიტიკაა, იტყობინება Bloomberg.
როგორც გამოცემა წერს ეს ზომები შეიძლება გამოყენებულ იქნეს, თუ აშშ 1 აგვისტოდან დააწესებს გამოცხადებულ 30%-იან ტარიფს ევროპულ საქონელზე.
ევროკავშირის საპასუხო ზომების განახლებული მეორე პაკეტი მოიცავს 72 მილიარდი ევროს (84 მილიარდი აშშ დოლარი) ღირებულების პროდუქციის ჩამონათვალს, მათ შორის:
თვითმფრინავები (კერძოდ Boeing) - თითქმის 11 მილიარდი ევრო;
სამრეწველო აღჭურვილობა - 9.4 მილიარდი ევრო;
მსუბუქი ავტომობილები - 8 მილიარდი ევრო;
ხილი და ბოსტნეული - 2 მილიარდი ევრო;
ალკოჰოლური სასმელები (კერძოდ ბურბონი) - 1.2 მილიარდი ევრო.
