გამოცემა OC Media Caucasus, საქართველოში მუდმივად მცხოვრები უცხოელების დინამიკის შესახებ, სტატიას აქვეყნებს.
„ბიზნესპრესნიუსი“ სტატიას მცირედი ცვლილებებით გთავაზობთ:
„საქართველოს სტატისტიკის ეროვნულმა სამსახურმა 2024 წლის აღწერის მონაცემები კიდევ ერთხელ განაახლა და, როგორც აღმოჩნდა, ქვეყანაში მუდმივად მცხოვრები უცხოელების წილი მთლიანი მოსახლეობის 6.6%-ს შეადგენს.
10 წლის წინ, საქართველოში 22 000 მუდმივად მცხოვრები უცხოელი ცხოვრობდა, რაც მთლიანი მოსახლეობის 0.6% იყო. ამჟამინდელი მონაცემებით, 6.6%-იანი წილი დაახლოებით 250 000 ადამიანი გამოდის.
იმის მიუხედავად, რომ მოსახლეობის ეთნიკური დაყოფის მაჩვენებელი განახლებული არაა და 2026 წლისთვის იქნება ხელმისაწვდომი, დამატებითი მინიშნებები მაინც იყო იმის შესახებ, რომ ამ მიმართულებით დემოგრაფიული ზრდა რუსების შემოდინებამ განაპირობა.
2022 წელს რუსეთის მიერ უკრაინაში სრულმასშტაბიანი შეჭრის დაწყებიდან, საქართველოში რუსების ჩამოსვლის მასშტაბური ტალღა შეინიშნება - 2023 წელს ჩატარებული კვლევების თანახმად, ქვეყანაში დაახლოებით 1.2 მლნ ადამიანი შევიდა. მართალია, მათმა დიდმა ნაწილმა საქართველო უბრალოდ სატრანზიტო პუნქტად გამოიყენა და სხვა ქვეყანაში გადავიდა, მაგრამ დაახლოებით 100 000 ადამიანი იქ დასახლდა“, - აღნიშნულია სტატიაში.
