2029 წლიდან მგზავრებს ლონდონიდან ევროპის სხვა მსხვილ ქალაქებში გადაჯდომის გარეშე შეეძლებათ მგზავრობა: Uber-მა ახალი პროექტი – Uber Trains გამოაცხადა, რომელიც ლა-მანშის გვირაბის გავლით პირდაპირ კავშირს უზრუნველყოფს.
მატარებლები აღმოსავლეთ ლონდონში, სტრატფორდის საერთაშორისო სადგურიდან გავა. პროექტი 10 მაღალსიჩქარიან მატარებელს მოიცავს, ბილეთების დაჯავშნა, სავარაუდოდ, Uber-ის აპლიკაციის საშუალებით იქნება შესაძლებელი, რომელიც უკვე სთავაზობს ტაქსებს, ველოსიპედებს და ტემზაზე კრუიზებს.
მატარებლები გაჩერდებიან მარშრუტის გასწვრივ არსებულ ძირითად ქალაქებში - დიდ ბრიტანეთში ეს არის Stratford International–ი და დაგეგმილი სადგური Ebbsfleet International; საფრანგეთში – პარიზსა და ლილში; ბელგიაში – ბრიუსელში.
გადამზიდავი მგზავრებისთვის კომფორტის უზრუნველყოფის პირობას დებს: ვაგონები აღჭურვილი იქნება თანამედროვე ეკონომ და ბიზნეს კლასის კუპეებით Wi-Fi-ით და გაჯეტების დამტენებით, ასევე შესთავაზებენ საკვებს და სასმელს.
