გერმანიაში რკინიგზა მოულოდნელ „მტერს“ შეხვდა. საქმე იმაშია, რომ მაჩვები მასიურად თხრიან გვირაბებს სარგინიგზო გზების ქვეშ, სადაც შემდეგ ცხოვრობენ და რის გამოც მარშრუტები შესაძლოა, წლობითაც დაიხუროს. ამის შესახებ Spiegel წერს.
გამოცემა წერს, რომ უკვე სამი წელია ორ ქალაქს - ფრენდბერგსა და უნას შორის აღარ დადის მატარებელი, რადგან ლიანდაგებს შორის მაჩვებმა საკუთარ სოროებამდე მისასველელი ასობით თხრილი გააკეთეს, რამაც გზა განსაკუთრებულად საშიში გახადა. ექსპერტებმა დაითვალეს 140 სორო, რომელიც 11 კილომეტრზეა განლაგებული. მატარებლის ნაცვლად აქ სათადარიგო ავტობუსი დადის, ხოლო სარკინიგზო გზა შესაძლოა, კიდევ 3 წლით არ გაიხსნას.
მსგავსი შემთხვევები ფიქსირდება სხვა რეგიონებშიც. მაგალითად, რეილანდ-პფალცში მაჩვებმა მოძრაობა რამდენჯერმე შეაფერხეს.
გერმანიის უმსხვილესი რკინიგზის ოპერატორის, Deutsche Bahn-ის განცხადებით, ეს რეალური პრობლემაა, თუმცა ის უარყოფს ამ თემის გარშემო ატეხილ კრიტიკას, თითქოს ლიანდაგები ცუდად იყო მოვლილი. კომპანიის თქმით, ლიანდაგების შემოწმება რეგულარულად ტარდებოდა, ხოლო მაჩვები იშვიათად ჩნდებოდნენ.
