მსოფლიოს მრავალ წამყვან ქალაქში სახლის ყიდვა სულ უფრო მიუწვდომელი ხდება. ბოლო რამდენიმე ათწლეულის განმავლობაში უძრავი ქონების ფასი მნიშვნელოვნად გაიზარდა და უფრო მეტიც, ბევრი ადამიანის შემოსავალს გადააჭარბა. სწორედ ამ გარემოებების გამო, ბინის შეძენა მსოფლიო მოსახლეობის უმეტესი ნაწილისთვის თითქმის შეუძლებელია.
Demographia International-მა წარმოადგინა ყველაზე მიუწვდომელი საბინაო ბაზრები სახლის ფასისა და შემოსავლის თანაფარდობის მიხედვით.
2025 წლის ანგარიშში შედარებულია მსოფლიოს 94 ქალაქის ძირითადი საბინაო ბაზარი. (კვლევა ჩატარდა აშშ-ში კანადაში, ავსტრალიაში, დიდი ბრიტანეთსა და ჩინეთში)
რეიტინგის სათავეშია ჰონგ-კონგი, სადაც საბინაო ბაზარი, საშუალო შემოსავლის მქონე ადამიანისთვის ყველაზე ნაკლებად ხელმისაწვდომია. აქ ბინის საშუალო ფასსა და შემოსავალს შორის სხვაობა - 14.4 ქულაა. ეს ნიშნავს, რომ ტიპური სახლის საფასური, საშუალო ოჯახის 14-წლიან შემოსავალს უდრის.
საბინაო ბაზარი მაღალი ფასებით გამოირჩევა ვანკუვერში, სან ხოსეში, ლოს-ანჯელესში, ჰონოლულუში, სან-ფრანცისკოსა და სან დიეგოში. ეს ქალაქები ყველაზე მიუწვდომელი საბინაო ბაზრების ტოპ 10-ში შედიან.
აღნიშნულ ქალაქებში ბინის ფასი, საშუალო ოჯახის 11-12 წლიან შემოსავალს უდრის.
წარმოგიდგენთ ყველაზე მიუწვდომელი საბინაო ბაზრების 10-ეულს იმ ქვეყნებში, სადაც კვლევა ჩატარდა:
- ჰონგ-კონგი, ჩინეთი - ბინის სავარაუდო საფასური საშუალოდ ოჯახის 14-წლიან შემოსავალს უდრის
- სიდნეი, ავსტრალია - ბინის სავარაუდო საფასური საშუალოდ ოჯახის 13.8- წლიან შემოსავალს უდრის
- სან-ხოსე, აშშ - ბინის სავარაუდო საფასური საშუალოდ ოჯახის 12-წლიან შემოსავალს უდრის
- ვანკუვერი, კანადა - ბინის სავარაუდო საფასური საშუალოდ ოჯახის 11.8-წლიან შემოსავალს უდრის
- ლოს-ანჯელესი, აშშ - ბინის სავარაუდო საფასური საშუალოდ ოჯახის 11.2- წლიან შემოსავალს უდრის
- ადელაიდა, ავსტრალია - ბინის სავარაუდო საფასური საშუალოდ ოჯახის 10.9-წლიან შემოსავალს უდრის
- ჰონოლულუ, აშშ - ბინის სავარაუდო საფასური საშუალოდ ოჯახის 10.8- წლიან შემოსავალს უდრის
- სან-ფრანცისკო, აშშ - ბინის სავარაუდო საფასური საშუალოდ ოჯახის 10- წლიან შემოსავალს უდრის
- მელბურნი, ავსტრალია - ბინის სავარაუდო საფასური საშუალოდ ოჯახის 9.7-წლიან შემოსავალს უდრის
- სან-დიეგო, აშშ - ბინის სავარაუდო საფასური საშუალოდ ოჯახის 9.5-წლიან შემოსავალს უდრის
- ბრისბენი, ავსტრალია - ბინის სავარაუდო საფასური საშუალოდ ოჯახის 9.3-წლიან შემოსავალს უდრის
- ლონდონი, დიდი ბრიტანეთი - ბინის სავარაუდო საფასური საშუალოდ ოჯახის 9-წლიან შემოსავალს უდრის
