Microsoft-ი მზადაა შვიდი წლით გაყოს Teams-ი და Office 365-ი, რათა თავიდან აიცილოს ევროკომისიის მიერ მონოპოლიური პოზიციის ბოროტად გამოყენებისთვის ჯარიმის დაკისრება. ამის შესახებ ევროკომისიის პრესსამსახურმა პარასკევს, 16 მაისს განაცხადა.
ევროკავშირში Microsoft-ის წინააღმდეგ ანტიმონოპოლიური გამოძიება 2020 წელს Slack-ის (ამჟამად Salesforce-ის ნაწილი) საჩივრის შემდეგ დაიწყო. მასში კომპანიამ Microsoft-ს ბრალი დასდო ბაზარზე დომინანტური პოზიციის ბოროტად გამოყენებაში, რაც Teams-ის საკომუნიკაციო პლატფორმის Office 365 ღრუბლოვან საოფისე პაკეტთან მიბმას მოყვა.
ამის თავიდან ასაცილებლად, Microsoft-მა ევროკომისიას რამდენიმე ვალდებულება შესთავაზა კონკურენციის საკითხის მოსაგვარებლად.
