თურქეთი ბოსფორისა და დარდანელის სრუტეებში საერთაშორისო გემების ტრანზიტის საფასურს 1 ივლისიდან 15%-ით გაზრდის, იტყობინება თურქული გაზეთი Daily Sabah ქვეყნის ტრანსპორტისა და ინფრასტრუქტურის მინისტრ აბდულკადირ ურალოღლუზე დაყრდნობით.
საფასური ახლა ტონაზე 5.83 დოლარია. გაანგარიშება განხორციელდება გემის წმინდა ტონაჟის საფუძველზე.
"ჩვენს მიერ შეგროვებული მოსაკრებლების საშუალებით, ჩვენ ვაგრძელებთ ინფრასტრუქტურისა და გემების მოძრაობის მონიტორინგის სისტემების მუდმივ გაუმჯობესებას, რათა გავაძლიეროთ საზღვაო უსაფრთხოება და გარემოს დაცვა ჩვენს სრუტეებში“, - განაცხადა მინისტრმა.
მისი მონაცემებით, 2024 წელს ბოსფორი და დარდანელი 51 058 სატრანზიტო გემმა გადაკვეთა, რამაც 227.4 მილიონი დოლარის შემოსავალი მოიტანა.
ვრცლად: interfax.ru
