საქართველოში შაქრის იმპორტი 64%-იაა გაზრდილი. საქსტატის ინფორმაციით, 2025 წლის იანვარ-მარტში საქართველომ 12,633.85 ათასი დოლარის ღირებულების 20,866.12 ტონა შაქარი იყიდა. 2024 წლის პირველი კვარტლის მაჩვენებლებით კი იმპორტმა 12,734.82 ტონა შეადგინა.
2025 წლის პირველ კვარტალში ქვეყანაში იმპორტირებული შაქრის 35%-ი საფრანგეთზე მოდის.
TOP 5 ქვეყანა, საიდანაც საქართველომ შაქარი იყიდა:
საფრანგეთი - 7,405.00 ტონა;
უკრაინა - 4,948.83 ტონა;
ნიდერლანდები - 2,286.00 ტონა;
პოლონეთი - 1,686.18 ტონა;
გერმანია - 1,417.98 ტონა.
სტატისტიკური მაჩვენებლების მიხედვით საქართველოში იმპორტირებული შაქრის 64%-ი ქვეყანაში ევროკავშირის ქვეყნებიდან შემოვიდა. 2025 წლის პირველ კვარტალში ევროკავშირიდან სულ 13,308.43 ტონა შაქარია იმპორტირებული.
წყარო: businessinsider.ge
