აშშ-ის პრეზიდენტმა დონალდ ტრამპმა ხელი მოაწერა განკარგულებას, რომელიც საშუალებას იძლევა საპენსიო ანგარიშებზე განთავსდეს კერძო აქციები, უძრავი ქონება, კრიპტოვალუტა და სხვა ალტერნატიული აქტივები.„პრეზიდენტი ტრამპი აფართოებს წვდომას ამ აქტივებზე, რათა უზრუნველყოს ღირსეული და კომფორტული პენსია ყველა ამერიკელისთვის“, — ნათქვამია დოკუმენტში.
ალტერნატიული აქტივების გამოყენება საპენსიო ფონდს საშუალებას მისცემს გაზარდოს შემოსავალი და დივერსიფიცირდეს საინვესტიციო პორტფელი. შრომის სამინისტრომ, ფინანსთა სამინისტრომ და სხვა უწყებებმა უნდა გადახედონ მოქმედ წესებს და გაამარტივონ ამ აქტივებზე წვდომა.
საპენსიო სისტემაში 90 მილიონზე მეტი ამერიკელია ჩართული, თუმცა მათი უმეტესობისთვის ალტერნატიული აქტივები მიუწვდომელია.
Binance-ის მონაცემებით, დოკუმენტზე ხელმოწერის შემდეგ, ბიტკოინის ღირებულება 1.61%-ით გაიზარდა და \$117,000-ს გადააჭარბა.
