Facebook-ის მშობელმა კომპანია Meta-მ ელექტროენერგიის შესყიდვის 20-წლიანი ხელშეკრულება გააფორმა უმსხვილეს ამერიკულ ბირთვულ ოპერატორ Constellation Energy-სთან, იუწყებიან დასავლური მედია საშუალებები, მათ შორის Bloomberg, Reuters, Axios და სხვები.
ეს პირველი ასეთი გარიგებაა მსხვილ ტექნოლოგიურ კომპანიასა და ატომურ ელექტროსადგურს შორის. Meta-მ და Constellation-მა ფინანსური დეტალები არ გაამჟღავნეს, გარდა იმისა, რომ განაცხადეს, რომ ეს მრავალმილიარდიანი შეთავაზებაა.
შეთანხმება ილინოისის ატომური ელექტროსადგურის სიცოცხლის ხანგრძლივობას გაახანგრძლივებს, რომლის ექსპლუატაციიდან გაყვანა 2027 წელს იყო დაგეგმილი. Constellation, Meta–სთან შეთანხმების საფუძველზე, ახლა გეგმავს ოპერაციების 2047 წლამდე გახანგრძლივებას, ფედერალური მარეგულირებლების დამტკიცების შემთხვევაში.
