დუბლინის მკვიდრმა, რომელიც აეროპორტთან ახლოს ცხოვრობს, მხოლოდ 2024 წლის აგვისტოში ხმაურთან დაკავშირებით 7,535 საჩივარი შეიტანა - დღეში საშუალოდ 243. საერთო ჯამში, ივლისიდან სექტემბრამდე მისგან 18 000-ზე მეტი საჩივარი იქნა მიღებული.
დუბლინის აეროპორტში ხმაურთან დაკავშირებული საჩივრების საერთო რაოდენობა ბოლო ერთი წლის განმავლობაში გაორმაგდა და თითქმის 71 000-ს მიაღწია. ადმინისტრაციის ცნობით, მათი დაახლოებით 90% ე.წ. „სერიული მომჩივნებისგან“ მოდიოდა - იმ ადამიანებისგან, რომლებიც რეგულარულად აგზავნიან მსგავს განცხადებებს.
საჩივრების ზრდა ნაწილობრივ აეროპორტის ჩრდილოეთის ასაფრენ ბილიკს უკავშირდება, რომლის მშენებლობაც 330 მილიონი ევრო დაჯდა.
